Биол 5 мг, №30, табл.

Сипаттама

Дәрілік препаратты медициналық

жөніндегі нұсқаулық (Қосымша парақ)

Саудалық атауы

Биол^®

Халықаралық патенттелмеген атауы

Бисопролол

Дәрілік түрі, дозасы

Үлбірлі қабықпен қапталған 5 мг, 10 мг таблеткалар

Фармакотерапиялық тобы

Жүрек-қантамыр жүйесі. Бета-адреноблокаторлар. Селективті бета-адреноблокаторлар. Бисопролол.

АТХ коды C07AB07

Қолданылуы

- артериялық гипертензия

- жүректің ишемиялық ауруы (стенокардия)

Қолдану басталғанға дейін қажетті мәліметтер тізбесі

Қолдануға болмайтын жағдайлар

• бисопрололға немесе қосымша заттардың кез келгеніне аса жоғары сезімталдық
• жедел жүрек жеткіліксіздігі немесе көктамыр ішіне инотропты ем талап ететін жүрек жеткіліксіздігінің декомпенсациясы оқиғалардың кезінде
• кардиогендік шок
• I және III дәрежелі атриовентрикулярлық блокада
• синустық түйіннің әлсіздік синдромы
• синатриалдық блокада
• симптоматикалық брадикардия (ЖЖЖ<60 соғу/мин)
• симптоматикалық гипотензия (систолалық қысым <100 мм сын. бағ.)
• метаболизмдік ацидоз
• бронх демікпесінің ауыр түрлері
• артериялардың перифериялық окклюзиялық зақымдануының немесе Рейно синдромының ауыр түрлері
• емделмеген феохромоцитома
• 18 жасқа дейінгі балалар (тиімділігі мен қауіпсіздігі анықталмаған)
• жүктілік және лактация кезеңі
• сирек туа біткен галактоза жақпаушылығы, lapp лактаза тапшылығы немесе глюкоза-галактоза мальабсорбциясы синдромы (препарат құрамында лактоза болғандықтан).

Қолдану кезінде қажетті сақтық шаралары

Жүрек жеткіліксіздігімен қатарлас жүретін гипертониясы немесе стенокардиясы бар пациенттерді бисопрололмен емдеу кезінде ерекше сақтық керек.

Егер жүректің ишемиялық ауруы бар пациенттерде емдеу күрт тоқтатылса миокард инфарктісі және кенеттен болатын өлім қаупі бар.

Препаратты төмендегі жай-күйлердегі пациенттерде сақтықпен қолдану керек:

- I дәрежелі атриовентрикулярлық блокада

- қандағы глюкоза деңгейі көрсеткіштерінің айтарлықтай ауытқулары бар қант диабеті. Гипогликемия симптомдары жасырын болуы мүмкін (мысалы тахикардия, жүрек қағуын сезіну, жоғары тершеңдік)

- қатаң диета

- Принцметалдың стенокардиясы: коронарлық тамырлардың түйілуі жағдайлары байқалды. Оның жоғары бета-1 селективтілігіне қарамастан, Принцметал стенокардиясы бар пациенттерге бисопролол енгізген кезде стенокардия ұстамаларын толық жоққа шығаруға болмайды.

- бронх түйілуі (Бронх демікпесі, өкпенің басқа да ауырлығы орташа обструктивті аурулары)

Бронх демікпесінде немесе өкпенің басқа да симптоматикалық созылмалы обструктивті ауруларында қатарлас бронх кеңейтетін ем көрсетілген. Демікпесі бар пациенттерде кейде тыныс алу жолдарының резистенттілігі жоғарылауы болуы мүмкін, бұл бета2-симпатомиметиктердің жоғарылау дозалануын талап етеді.

- ұзақ уақыттық десенсибилизациялық ем

Биспорололды қоса, бета-блокаторлар аллергендерге сезімталдықты және бета-блокаторлар әсерімен адренергиялық кері реттелу әлсізденуінен анафилаксиялық реакциялар ауырлығын арттыруы мүмкін. Адреналинмен емдеу болжамды емдік әсерді әрқашан бере алмайды.

- шеткергі қан айналымының бұзылуы (аяқ артерияларының облитерациялайтын аурулары) (әсіресе емнің басында симптомдар айқындылығының артуы мүмкін)

- жалпы анестезия

Жалпы анестезияға ұшыраған пациенттерде бета-блокада индукция және интубация кезінде, сондай-ақ операциядан кейінгі кезеңде аритмия мен миокард ишемиясының жиілігін төмендетеді. Қазіргі уақытта периоперациялық демеуші бета-блокаданы жалғастыру ұсынылады.

Басқа дәрілермен ықтимал өзара әрекеттесуіне байланысты анестезиолог-дәрігерге бета-блокаторларды қабылдау туралы ескерту қажет, бұл брадиаритмияға, рефлекторлық тахикардияның әлсіреуіне және қан жоғалтудың орнын толтыру рефлекторлық қабілетінің төмендеуіне әкелуі мүмкін.Егер операциядан бұрын бета-адреноблокаторлармен емдеуді тоқтату қажет деп саналса, мұны біртіндеп жасап, анестезиядан шамамен 48 сағат бұрын аяқтау керек.

Төмендегі аурулары және патологиялық жай-күйлері бар пациенттерде СЖЖ емдеудің жеткілікті емдік тәжірибесі жоқ:

- I типті қант диабеті

- бүйрек және / немесе бауыр функциясының ауыр бұзылулары

- рестриктивтік кардиомиопатия

- туа біткен жүрек ақауы

- гемодинамикалық маңызды, жүре пайда болған жүрек клапанының ақауы

- соңғы 3 айдағы миокард инфарктісі.

Псориаз: Псориазбен ауыратын науқастарға (оның ішінде отбасы анамнезіндгі) β-адренорецепторлар блокаторларын пайда/қаупін мұқият бағалаудан соң тағайындайды.

Феохромоцитома: Феохромоцитомасы бар пациенттерге бисопрололды алдында α-адренорецепторлар блокаторларымен болған ем аясында ғана тағайындайды.

Тиреотоксикоз: Бисопрололмен ем кезінде тиреотоксикоз симптомдары бүркемеленуі мүмкін.

Бисопрололдың әдетте кальций антагонистерімен (верапамил және дилтиазем), I класты антиаритмиялық дәрілермен және орталықтық әсері бар гипотензиялық препараттармен біріктірілімі ұсынылмайды.

Биол^®препаратын қолдану допинг-тест кезінде оң реакция беруі мүмкін.

Тыныс алу жүйесі: селективті емес бета-блокаторлармен салыстырғанда өкпе функциясына кардиоселективті (β1) бета-блокаторлар аздау әсер етуіне қарамастан, егер оларды пайдалануға дәйекті себептері болмаса, барлық бета-блокаторлар сияқты, олар тыныс алу жолдарының обструкциялық аурулары бар пациенттерге қолданылмауы тиіс. Егер мұндай себептер болса, Биол^® препаратыны сақтықпен пайдаланылуы мүмкін.

Тыныс алу жолдарының обструктивті аурулары бар пациенттерде бисопрололмен емдеуді мүмкін болатын ең аз дозадан бастаған жөн және пациенттер жаңа симптомдарға (мысалы, ентігу, дене жүктемесіне төзбеушілік, жөтел) мұқият бақылануы тиіс. Бронх демікпесінде немесе симптомдарды тудыруы мүмкін өкпенің басқа созылмалы обструктивті ауруларында бронходилатациялық терапияны бір уақытта жүргізу керек. Кейде демікпесі бар науқастарда тыныс алу жолдары кедергісінің жоғарылауы байқалуы ықтимал, сондықтан бета-2 стимуляторларының дозасын арттыру қажет болуы мүмкін.

Басқа дәрілік препараттармен өзара әрекеттесуі

Бір мезгілде басқа да препараттарды қабылдау препараттың тиімділігі мен көтерімділігіне әсер етуі мүмкін. Сондай-ақ егер басқа препараттарды қабылдау сәтінен өте аз уақыт өтсе де бұған ұқсас өзара әрекеттесулер жүруі мүмкін. Пациенттер мен оларға күтім жасайтын адамдарды және отбасы мүшелерін ілеспе терапия туралы хабарлау қажеттілігі туралы хабардар ету қажет. Егер Сіз қандай да бір басқа препараттарды қабылдасаңыз, тіпті оларды Сізге Өзіңіздің дәрігеріңіз емес тағайындаса да, Сіз Өзіңіздің емдеуші дәрігеріңізді хабардар етіңіз.

Рұқсат етілмейтін біріктірілімдер

• Флоктафенин: Бисопрололды флоктафенинмен бір мезгілде қолдануға болмайды, өйткені β-адренорецепторлар блокаторлары флоктафениннен туындаған артериялық гипотензиямен немесе шокпен байланысты жүрек-қан тамырларының компенсаторлық реакцияларына кедергі келтіруі мүмкін.

• Сультоприд: Бисопрололды сультопридпен бір мезгілде қолдануға болмайды, өйткені бұл арада қарыншалық аритмия қаупі артады.

Бір мезгілде қолдану ұсынылмайды

Верапамил типті кальций антагонистері және дилтиазем аз дәрежеде, бисопрололмен бір мезгілде қолданғанда жүрек бұлшықеттерінің жиырылғыш қабілетінің төмендеуіне алып келуі мүмкін және атриовентрикулярлық импульстардың өтуін кідіртуі мүмкін. Көбіне верапамилді бета-блокаторлармен ем қабылдаушы пациенттерге вена ішіне енгізу терең гипотензияға және атриовентрикулярлық блокадаға алып келуі мүмкін.

I класты антиаритмиялық дәрілер (мысалы, хинидин, дизопирамид, лидокаин, фенитоин, флекаинид, пропафенон) бисопрололдың атриовентрикулярлық өткізгіштік және жүрек бұлшықетінің жиырылу қабілетіне қатысты бәсеңдеткіш әсерін күшейтуі мүмкін.

Әсері орталықтық гипотензиялық препараттар (мысалы, клонидин, метилдопа, моксонидин, резерпин, рилменидин) айқын жүрек жеткіліксіздігіне, ЖЖЖ және жүрек лықсытуының қысқаруына, сондай-ақ орталық симпатикалық тонус төмендеуі салдарынан вазодилатацияға алып келуі мүмкін. Әсіресе бета-блокаторлар тоқтатылғанша күрт тоқтату «рикошеттік» гипертензия даму қаупін арттыруы мүмкін

Бір мезгілде қолданған кезде сақтық қажет

Дигидропиридин типті кальций антагонистері (мысалы нифедипин, фелодипин, амлодипин): артериялық гипотензия туындау қаупін жоғарылатуы мүмкін.Жүрек жеткіліксіздігі бар пациенттерде миокардтың инотроптық функциясына теріс әсерін арттыруы мүмкіндігі жоққа шығарылмайды.

III класты антиаритмиялық препараттар (мысалы, амиодарон) атриовентрикулярлық өткізгіштіктің уақыты ұзаруы мүмкін.

Жергілікті әсер ететін β-адренорецепторлар блокаторлары (мысалы глаукоманы емдеуге арналған көз тамшыларының құрамында болатын): бисопролол әсері күшеюі мүмкін.

Парасимпатомиметикалық препараттар бисопрололмен бір мезгілде қолданғанда атриовентрикулярлық импульстарды өткізуге бәсеңдететін әсерді күшейтуі мүмкін және брадикардия даму қаупін арттыруы мүмкін.

Инсулин және пероральді гипогликемиялаушы дәрілер: бұл препараттардың әсері күшейеді.Гипогликемия белгілері бүркемеленуі мүмкін.

Анестезияға арналған дәрілер: миокард функциясын бәсеңдету қаупі жоғарылайды және артериялық гипотензия туындау қаупі жоғарылайды.

Жүрек гликозидтері (оймақгүл препараттары) ЖЖЖ төмендетуі, AV-өткізгіштік уақытын арттыруы мүмкін.

Қабынуға қарсы стероидты емес дәрілер (ҚҚСД) бисопрололдың гипотензиялық әсерін төмендетуі мүмкін.

β-симпатомиметиктер (мысалы изопреналин, добутамин) екі дәрінің де емдік әсерінің төмендеуіне алып келуі мүмкін.

Α- және β-адренорецепторларды белсендіретін симпатомиметиктер (мысалы, адреналин, норепинефрин). Бисопрололмен біріктірілім артериялық қысымның жоғарылауына және ауық-ауық ақсаңдаудың өршуіне әкелетін осы препараттардыңқантамырларын тарылтатын әсері α-адренорецепторлар арқылы айқындалуы мүмкін. Мұндай өзара әрекеттесулер селективті емес β-адренорецепторлар блокаторларын қолданғанда анағұрлым ықтимал.

Гипертензияға қарсы дәрілер, сондай-ақ болжамды гипертензияға қарсы әсері бар басқа да дәрілер (мысалы, үшциклді антидепрессанттар, барбитураттар, фенотиазиндер) бисопрололдың гипотензиялық әсерін күшейтуі мүмкін.

Талқылауға жататын біріктірілімдер

Мефлохин бисопрололмен бір мезгілде қолданғанда ЖЖЖ төмендеу қаупін арттыруы мүмкін (брадикардия).

Моноаминоксидаза тежегіштері (моноаминоксидаза В тежегіштерін қоспағанда) бета-блокаторлардың гипотензиялық әсерін күшейтуі мүмкін.Сондай-ақ бір мезгілде қолданғанда гипертониялық криз дамуына алып келуі мүмкін.

Рифампицин бисопрололдың жартылай шығарылу кезеңін елеулі төмендетуі мүмкін. Әдетте доза түзетудің қажеті болмайды.

Эрготамин туындылары. Эрготамин туындыларымен бір мезгілде қолданғанда шеткері перфузия бұзылуы күшейеді.

Арнайы ескертулер

Жүктілік

Бисопролол жүктілік кезінде және/немесе шаранаға/жаңа туған нәрестеге жағымсыз әсер етуі мүмкін. Жалпы, β-адреноблокаторлар плацентарлы перфузияны төмендетеді, бұл өсудің тежелуімен, құрсақішілік өліммен, түсік түсірумен немесе мерзімінен бұрын босанумен байланысты. Жағымсыз әсерлер (гипогликемия және брадикардия) шаранада да, жаңа туылған нәрестелерде де пайда болуы мүмкін. Егер бета-адренорецептор блокаторларымен емдеу қажет болса, бета1-селективті адренорецептор блокаторларына артықшылық беріледі. Бисопролол, егер бұл өте қажет болмаса, жүктілік кезінде ұсынылмайды. Егер емдеу қажет деп саналса, жатыр-плацентарлы қан ағымы мен шарананың өсуін бақылау ұсынылады. Жүктілікке немесе шаранаға теріс әсер еткен жағдайда талапқа сай емдеуді қарастырған жөн. Жаңа туған нәресте мұқият бақылауда болуы керек. Гипогликемия және брадикардия симптомдарын әдетте алғашқы 3 күнде күтуге болады.

Лактация кезеңі

Бисопрололды адам сүтімен шығарылуы бойынша деректер, сондай-ақ бисопрололдың жаңа туған нәрестелерге әсер ету қауіпсіздігі жөніндегі деректер жоқ. Демек, препаратты қолдану кезінде емшек емізу ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бисопролол жүректің коронарлық тамыр ауруларымен ауыратын пациенттерді зерттеу кезінде көлік жүргізу қабілетіне әсер етпеген. Алайда, жеке реакцияларға байланысты көлік жүргізу немесе техникалық күрделі механизмдермен жұмыс істеу қабілеті бұзылуы мүмкін. Бұған емдеудің басында, дозаны өзгерткеннен кейін, сондай-ақ алкогольді бір мезгілде қолданғанда ерекше назар аудару керек.

Қолдану бойынша ұсынымдар

Дозалау режимі

Биол^® таблеткасын таңертең, тамақтануға байланыссыз қабылдауға болады. Таблеткаларды сұйықтықтың аздаған мөлшерімен ішу керек.Таблеткаларды шайнауға болмайды.

Таблетканы сындыру үшін оны тегіс беткейге сызығын жоғары қаратып қойыңыз.Таблетка үлкен саусақпен әлсіз басу нәтижесінде сындырылады.

Дозалау

Емдеуді біртіндеп, аз мөлшерден бастап, содан кейін олар көбейеді. Барлық жағдайларда доза жүрек соғу жиілігін және емдік әсерін ескере отырып, жеке таңдалуы керек.

Артериялық гипертензия емі

Биол^® препаратының ұсынылатын дозасы күніне бір рет 5 мг құрайды.

Гипертонияның жеңіл формаларында (диастолалық қан қысымы 105 мм рт.ст. дейін).күніне бір рет 2,5 мг доза терапиясы жеткілікті болуы мүмкін.

Қажет болса, дозаны күніне бір рет 10 мг-ға дейін арттыруға болады.

Дозаны одан әрі арттыру ерекше жағдайларда негізделуі және жүргізілуі тиіс.

Биол^® препаратының ең жоғары ұсынылатын дозасы күніне бір рет 20 мг құрайды.

Жүректің ишемиялық ауруы (стенокардия)

Биол^® препаратының ұсынылатын дозасы күніне бір рет 5 мг құрайды.

Қажет болса, дозаны күніне бір рет 10 мг-ға дейін арттыруға болады.

Дозаны одан әрі арттыру ерекше жағдайларда негізделуі және жүргізілуі тиіс.

Биол^® препаратының ең жоғары ұсынылатын дозасы күніне бір рет 20 мг құрайды.

Емдеу ұзақтығы

Емдеу ұзақтығы шектелмейді және аурудың барысы мен ауырлығына байланысты. Препаратпен емдеуді, әсіресе жүректің ишемиялық ауруы бар пациенттерде күрт үзуге болмайды, өйткені бұл пациенттің денсаулығының күрт нашарлауына әкелуі мүмкін. Егер емдеуді тоқтата тұру қажет болса, дозаны біртіндеп төмендету керек (мысалы, аптасына бір рет дозаны екі есе азайту).

Пациенттердің ерекше топтары

Бауыр немесе бүйрек функциясының бұзылуы бар пациенттер

Жеңіл немесе орташа дәрежелі бауыр немесе бүйрек функциясы бұзылуы әдетте доза түзетуді талап етпейді.

Бүйрек функциясы айқын бұзылуында (креатинин клиренсі 20мл/мин. төмен) және бауырдың ауыр аурулары бар пациенттерде ең жоғары тәуліктік доза Биол^®препаратының 10мг құрайды.

Диализде жүрген пациенттерде бисопролол қолдану тәжірибесі шектеулі, алайда дозалауды өзгерту қажеттігін айғақтайтын деректер жоқ.

Егде жастағы пациенттер

Доза түзету талап етілмейді.

Балалар жасы

Бисопрололды балаларда қолдану тәжірибесі жоқ, сондықтан Биол^® препаратын балаларда қолдану ұсынылмайды.

Дозаланғанда қабылдау қажет шаралар

Симптомдары: брадикардия, артериялық гипотензия, бронх түйілуі, жедел жүрек жеткіліксіздігі, гипогликемия.

Емі: препарат қабылдауды тоқтатып және дәрігерге қаралу керек. Демеуші емді және симптоматикалық емді артық дозалануының дәрежесіне қарай жүргізеді.Бисопрололдың диализбен нашар шығарылуы жөнінде деректер бар.

Брадикардияда: атропинді в/і енгізу. Емге жауабы жоқ брадикардия жағдайында изопреналинді немесе хронотропты әсері оң басқа да дәрілерді, қажет болғанда - кардиостимуляцияны сақтықпен қолдануға болады.

Артериялық гипотензияда: тамыр тарылтатын препараттарды қабылдау, в/і глюкагон енгізу. II және III дәрежелі AV-блокадада: изопреналинді инфузиялық енгізу кезінде пациенттерге мұқият мониторинг керек; қажет болғанда кардиостимуляцияны қолданады.

СЖЖ асқынғанда: диуретикалық дәрілерді, вазодилататорларды және тамыр тарылтатын дәрілерді в/і енгізу.

Бронх түйілуінде: бронхолитикалық препараттар (мысалы изопреналин), β₂-адреномиметиктер блокаторлары және/немесе аминофиллин.

Гипогликемияда: в/і глюкоза енгізу.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар.

Дәрілік препаратты қолдану тәсілінің түсіндірмесін алу үшін кеңес алу үшін медициналық қызметкерге жүгіну ұсынылған.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз әсерлердің тізбесі біліну жиілігі бойынша ұсынылған. Мынадай сипатталған жағдайлардың жиілігіне сәйкес: өте жиі (≥1/10), жиі (≥1/100 <1/10 дейін), сирек (≥1/1000 <1/100 дейін), сирек (≥1/10000 <1/1000 дейін), өте сирек (<1/10000) және жиілігі белгісіз (бар деректер негізінде анықталуы мүмкін емес жиілігі ).

Өте жиі

- брадикардия (созылмалы жүрек жеткіліксіздігі бар пациенттерде)

Жиі

- жүрек жеткіліксіздігінің нашарлауы

(созылмалы жүрек жеткіліксіздігі бар пациенттерде)

- бас айналуы*, бас ауыруы*

- жүрек айнуы, құсу, диарея, іш қату

- аяқ-қолдың суықтығын немесе ұюын сезіну, гипотензия

- астения ( созылмалы жүрек жеткіліксіздігі бар пациенттерде), қажу*

Жиі емес

- атриовентрикулярлық өткізгіштіктің бұзылуы, бар жүрек жеткіліксіздігінің нашарлауы, гипертониясы немесе кернеу стенокардиясы бар пациенттердегі брадикардия

- ортостатикалық гипотензия

- астения (гипертензиясы немесе стенокардиясы бар пациенттерде)

- бронх демікпесі бар немесе анамнезінде тыныс алу ағзаларының обструктивті аурулары бар пациенттердегі бронх түйілуі

- бұлшықет әлсіздігі, бұлшықеттің түйілуі

- депрессия, ұйқының бұзылуы

Сирек

- естен тану

- триглицеридтер деңгейінің жоғарылауы, бауыр ферменттері(АЛТ, АСТ) деңгейінің жоғарылауы

- көз жасы бөлінуінің төмендеуі (пациент жанаспалы линзаларды киген кезде ескеру керек)

- есту қабілетінің бұзылуы

- аллергиялық ринит

- қышыну, қызару, бөртпе және ангионевроздық ісіну сияқты аса жоғары сезімталдық реакциялары

- гепатит

- потенцияның бұзылуы

- түнгі қорқынышты түстер, елестеулер

- эректильді дисфункция

Өте сирек

- конъюнктивит

-кеудедегі ауырсыну

- псориаздың дамуы немесе бұрыннан бар аурудың өршуі немесе

псориаздық бөртпелер сияқты

- алопеция. Бета-блокаторлар псориазды қоздыруы немесе ушықтыруы немесе псориазға тән бөртпелерді тудыруы мүмкін

тек гипертонияға немесе стенокардияға қатысты:

* Бұл симптомдар әсіресе емнің басында көрінеді. Әдетте олар жеңіл және 1-2 апта ішінде өтеді.

Жағымсыз дәрілік реакциялар пайда болған кезде медицина қызметкеріне, фармацевтика қызметкеріне немесе Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК дәрілік препараттардың тиімсіздігі туралы хабарламаларын қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгінуге болады http://www.ndda.kz.

Қосымша мәліметтер

Дәрілік препараттың құрамы

Бір таблетканың құрамында:

белсенді зат - бисопролол фумараты 5 мг, 10 мг,

қосымша заттар: кальций гидрофосфаты (сусыз), микрокристалды целлюлоза, жүгері крахмалы (прежелатинделген), натрий кроскармеллозасы, сусыз коллоидты кремнийдің қостотығы, магний стеараты.

қабықтың құрамы: лактоза моногидраты, гипромеллоза, титанның қостотығы (Е 171), макрогол 4000, темірдің сары тотығы (Е 172) (5 мг және 10 мг доза үшін), темірдің қызыл тотығы (Е172) (10 мг доза үшін).

Сыртқы түрінің, иісінің, дәмінің сипаттамасы

Сары түсті, дөңгелек пішінді, таблетканы 4 бөлікке бөлетін сызығы, бір жағында «BIS5» өрнегі бар, диаметрі 5.4-ден 5.8 мм дейінгі, үлбірлі қабықпен қапталған таблеткалар (5 мг доза үшін).

Сары өрік түсті, дөңгелек пішінді, таблетканы 4 бөлікке бөлетін сызығы, бір жағында «BIS10» өрнегі бар, диаметрі 6.9-ден 7.2 мм дейінгі, үлбірлі қабықпен қапталған таблеткалар (10 мг доза үшін).

Шығарылу түрі және қаптамасы

15 таблеткадан алюминий фольгадан жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Лек С. А., Польша

Podlipie Str. 16, 95-010 Stryków, Poland

Телефоны: +43 5338 200

e-mail: kundl.austria@sandoz.com

Тіркеу куәлігінің ұстаушысы

Сандоз ГмбХ, Австрия

Biochemiestrasse 10, 6250 Kundl, Austria

Телефоны: +43 5338 200

e-mail: kundl.austria@sandoz.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі

Қазақстан Республикасы, Алматы қ., 050000, Құрманғазы к-сі, 95

Телефоны: +7(727) 258 24 47

e-mail: drugsafety.cis@novartis.com