Хлорофиллипт 1%, 100 мл, фл.

Сипаттама

Дәрілік затты медициналық қолдану

жөніндегі нұсқаулық

ХЛОРОФИЛЛИПТ

Саудалық атауы

Хлорофиллипт

Халықаралық патенттелмеген атауы

Жоқ

Дәрілік түрі

10 мг/мл спирт ерітіндісі

Құрамы

1 мл ерітіндінің құрамында

белсенді зат - хлорофиллипттің қою сығындысы (100%-ға шаққанда құрғақ зат бар)- 10 мг;

қосымша зат - 96% этил спирті.

Сипаттамасы

Жасыл түсті мөлдір сұйықтық.

Фармакотерапиялық тобы

Дерматология. Антисептиктер мен басқа дезинфекциялайтын препараттар. Антисептиктер мен дезинфекциялайтын басқа да препараттар.

АТХ коды D08А Х

Фармакологиялық қасиеттері

Фармакокинетикасы

Зерттелмеген.

Фармакодинамикасы

Препараттың құрамында эвкалипт жапырақтарында болатын хлорофилдер қоспасы бар. Хлорофиллипт антибиотикке төзімді жәнеантибиотикке тәуелді стафилококктарға қатысты бактерияға қарсы (бактерицидті және бактериостатикалық) және этиотроптық әсер көрсетеді. Жергілікті қолданған кезде зақымданған тіндердің қайта қалпына келуіне ықпал етеді.Хлорофиллипттің бактериялық инфекцияның түрлі қоздырғыштарының антибиотиктерге төзімділік плазмидтерін элиминациялау қабілеті бар, тіндердегі оттегі мөлшерін арттырады, айқын детоксикациялайтын әсер көрсетеді, сондықтан препарат тін гипоксиясымен күресу құралы ретінде және бактерияға қарсы препараттар тиімділігін арттыру үшін организмнің табиғи қорғағыш қасиеті төмендеген жағдайда қолданылады.

Қолданылуы

Антибиотикке төзімді стафилококктардан туындаған ауруларды емдеген кезде кешенді ем құрамында:

- күйіктерде, трофикалық ойық жараларда

- жатыр мойнының эрозиясында

- асқазан-ішек жолының инфекциялық ауруларында (ішекте стафилококктар болғанда)

Қолдану тәсілі мен дозалары

Препаратты ішке, жергілікті және клизмалар үшін тағайындайды.

Ішекте стафилококктар болған жағдайда ішке қолдану керек. Ересектер күнделікті тамақтанғанға дейін 40 минут бұрын тәулігіне 3 рет 30 мл суға сұйылтылған5 мл 1 % спирт ерітіндісінен қабылдаулары керек.Емдеу ұзақтығы емдеу тиімділігі мен ауру ауырлығына байланысты жекелей анықталады.

Сондай-ақ ішекте стафилококктар болған жағдайда клизмада(20 мл 1 % спирт ерітіндісін 1 л суда сұйылтады – бұл доза бір клизмаға арналған). Емшараны тәулігіне 1 рет жүргізу керек. Препаратымен клизманы 2 күн сайын қою керек. Емдеу курсы 10 емшарадан тұрады.

Жергілікті қолдану үшін (күйіктер мен трофикалық ойық жараларды емдеу) 1 % спирт ерітіндісін1:5 пропорцияда 0,25 %новокаин ерітіндісімен сұйылтады.

Жатыр мойны эрозиясын емдеген кезде қынаптың шырышты қабығының барлық қатпарларын және жатыр мойнының қынаптық бөліктеріналдын ала тампонмен құрғату керек және жатыр мойны өзегін майлау қажет. Қынапқа бүрку үшін 15 мл 1% спиртерітіндісін 1 л суға сұйылтады.

Емдеу курсының ұзақтығы ауру ағымына байланысты және оны жекелей дәрігер анықтайды.

Жағымсыз әсерлері

- еріннің, мұрын қуысы шырышты қабығының, аңқаның ісінуі

- тері бөртпелері, қышыну

- бас айналу, бас ауырулары

Қолдануға болмайтын жағдайлар

- препаратты жекелей көтере алмаушылық

- 18 жасқа дейінгі балаларға

- алкогольге немесе есірткіге тәуелділіктің дамуына бейімділік, алкоголизм

- эпилепсия

-бауыр аурулары немесе бауыр функциясының айқын бұзылулары бар науқастарға

- қант диабеті

- жүктілік және лактация кезеңі

Дәрілермен өзара әрекеттесуі

Антисептикалық препараттар мен антибиотиктердің әсерін әлеуеттендіреді. Препарат құрамында 96% этил спирті бар, сондықтан бір мезгілдеқолданған кезде психотропты, миорелаксациялаушы дәрілердің және алкогольдің әсері күшеюі мүмкін. Жарада сутегінің асқын тотығының қалдығы қалған кезде хлорофиллипт тұнбаға түседі, сондықтан жараны сутегінің асқын тотығымен жуғаннан кейін оның қалдығын натрий хлоридінің стерильді изотониялық ерітіндісімен кетіру қажет.

Айрықша нұсқаулар

Емдеуді бастар алдында таңдалған қолдану тәсіліне қарамастан, хлорофиллиптке сезімталдықты анықтайды, ол үшін науқас 1 ас қасық суға сұйылтылған препараттың 25 тамшысын ішеді. 6-8 сағаттан соң аллергия белгілері (еріннің, аңқа шырышының ісінуі және т.б.) болмаса, препаратты қолдануға болады.

Дәрілік заттың автокөлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында этил спирті болғандықтан, емдеу кезінде жоғары зейін шоғырландыруды қажет ететін қауіптілігі зор жұмыс түрлерінен бас тарту керек.

Артық дозалануы

Симптомдары: жағымсыз әсерлер күшеюі мүмкін.

Емі: симптоматикалық.

Шығарылу түрі және қаптамасы

Алғашқыашылуына бақылауы бар қақпақпен тығындалған, мойны бұрандалы күңгірт-қоңыр мөлдір емес полимерден жасалған сыйымдылығы 125 мл құтыларда 100 мл-ден. Құтыға өздігінен желімденетін заттаңба жапсырылады.

Әр құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Здоровье» фармацевтикалық компаниясы» ЖШҚ.

Украина, 61013, Харьков қ., Шевченко к-сі, 22.

Қаптаушы

«Здоровье» фармацевтикалық компаниясы» ЖШҚ.

Украина, 61013, Харьков қ., Шевченко к-сі, 22.

Тіркеу куәлігінің иесі

«ДЗМҰО тәжірибе зауыты» ЖШҚ,

Украина, 61057, Харьков қ., Воробьев к-сі, 8.

Қазақстан Республикасы аумағында тұтынушылардан дәрілік заттыңсапасына қатысты шағымдарды (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

Гуськов Александр Евгеньевич

Қазақстан Республикасы, 050039,Алматы қ.,Майлин к-сі, 72 үй, 34 пәтер

Тел.: +7(727) 271-10-17

Факс: +7(727) 271-84-97

E-mail: farmevro@mail.ru

Дәріханалар

Қалалар