Тауарлардың көрінісі фотосуретте көрсетілгеннен өзгеше болуы мүмкін

Ксимелин Экстра 10 мл спрей назальный

Қолжетімділігі
Тауар қолда жоқ
Үлгі
7038319033870
Елі
Германия
Өндіруші
Nycomed Austria GmbH
  • Сипаттама

Сипаттама

Дәрілік препаратты медициналық қолдану жөніндегі нұсқаулық (қосымша парақ)

Саудалық атауы

Ксимелин Экстра

Халықаралық патенттелмеген атауы

Жоқ

Дәрілік түрі, дозасы

Мұрын спрейі

Фармакотерапиялық тобы

Респираторлық жүйе. Мұрынға арналған препараттар. Деконгестанттар және жергілікті қолдануға арналған басқа препараттар. Кортикостероидтарды қоспағанда, симпатомиметиктер, біріктірілімдер.. Ксилометазолин.

АТХ коды R01AB06

Қолданылуы

Суық тию аурулары аясында мұрын бітелісін және ринорея симптомымен (мұрыннан бөліністер шығуының артуы) тұмауратуды симптоматикалық емдеу

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • ксилометазолинге немесе препарат компоненттеріне жоғары сезімталдық
  • глаукома
  • құрғақ ринит
  • атропинге немесе гиосциамин мен скополамин сияқты басқа да ұқсас заттарға жоғары сезімталдық
  • қатты ми қабығына хирургиялық араласулардан кейін (транссфеноидальді гипофизэктомияда және басқа трансназальді операцияларда)
  • 18 жасқа дейінгі балаларда

Қолдану кезінде қажетті сақтық шаралары

Ксимелин Экстраны тар бұрышты глаукома, немесе ұйқы безі гипертрофиясы немесе қуық мойны обструкциясы дамуына бейім пациенттерге сақтықпен тағайындау керек.

Сақтықпен гипертиреоз, қант диабеті, артериялық гипертензия,жүрек-қантамыр аурулары немесе феохромоцитомасы бар пациенттерде.

Ксимелин Экстраны ұйқының бұзылуын, бас айналуын, тремор, жүрек аритмияларын немесе артериялық қысым көтерілуін туғызуы мүмкін адренергиялық препараттарға сезімтал пациенттерге тағайындағанда сақ болу керек.

Ксилометазолинді қолданған кезде QT аралығының ұзару синдромы бар пациенттер ауыр қарыншалық аритмиялардың жоғары қаупіне ұшырауы мүмкін.

Пациенттерге Ксимелин Экстра препаратын көзге немесе көз айналасына бүркуге болмайтыны туралы ескерту қажет. Ксимелин Экстра көзге түсіп кеткен жағдайда мынадай реакциялар байқалады: уақытша анық көрмеу, көздің тітіркенуі, ауыруы, қызаруы. Тар бұрышты глаукоманың өршуі дамуы мүмкін. Пациенттерге Ксимелин Экстра көзге түсіп кеткен жағдайда оны салқын сумен жуып, көз ауырған немесе анық көрмеген жағдайда дәрігерге қаралу қажет екенін ескерту керек.

Мұрыннан қан кетулерге (мысалы, егде жастағы пациенттер), салданған ішек бітелісіне бейім пациенттерді немесе муковисцидозбен науқастарды емдегенде сақтық шарасын қадағалау ұсынылады.

Басқа дәрілік препараттармен өзара әрекеттесуі

Моноаминоксидаза тежегіштерімен 2-апта ішінде бір мезгілде қолдану артериялық қысымның едәуір көтерілуіне әкелуі мүмкін, сондықтан ұсынылмайды. Симпатомиметикалық препараттар катехоламиндердің босап шығуын туындатады, өз кезегінде, бұл тамыр тарылтушы әсері бар норадреналиннің қарқынмен босап шығуына әкеледі, соның нәтижесінде артериялық қысым көтеріледі. Артериялық қысымның қатер шегіндегі көтерілуінде Ксимелин Экстрамен емдеуді тоқтатып, симптоматикалық ем тағайындау керек.

Три- және тетрациклді антидепрессанттармен 2-апта ішінде бір мезгілде қабылдау ксилометазолиннің симпатомиметикалық әсерін күшейтуі мүмкін, сондықтанұсынылмайды.

Басқа да антихолинергиялық препараттар қатарлас тағайындалғанда антихолинергиялық әсері күшеюі мүмкін.

Арнайы ескертулер

Жүктілік немесе лактация кезеңінде қолдану

Жүкті әйелдерде Ксимелин Экстра пайдалану жөнінде талапқа сай деректер жоқ. Ксимелин Экстра жүктілік кезінде, егер қатты қажеттілік болмаса, қолданылмауы тиіс.

Ипратропий бромиді және ксилометазолин гидрохлоридінің ана сүтімен шығарылатыны-шығарылмайтыны белгісіз. Ипратропий бромидінің және ксилометазолин гидрохлоридінің жүйелі әсері төмен. Сол себепті, емшек еметін балаларға әсер ету мүмкіндігі аз. Ананы Ксимелин Экстрамен емдеу қажеттілігі және емшек емізудің пайдасын нәрестеге төнетін зор қауіппен салыстырылуы қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ксимелин Экстра көлік құралдарын және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ересектер үшін: әр мұрын жолына 1 бүркуден; күніне 3 реттен көп қолдануға болмайды. Екі дозаны қабылдау арасындағы аралық 6 сағаттан кем болмауы тиіс.

Препарат 7 күннен артық қолданылмайды.

Егде жастағылар үшін: 70 жастан асқан пациенттерге пайдалану тәжірибесі шектеулі.

Балалар: Ксимелин Экстра клиникалық деректер жеткіліксіздігіне байланысты балаларға және 18 жасқа дейінгі жасөспірімдерге қолдануға болмайды.

Енгізу жолы және тәсілі

Жергілікті қолдануға арналған.

Помпаны бірінші рет пайдаланар алдында немесе препарат 9 күн бойы пайдаланылмаған болса, спрейді сұйықтық баяу ағып шыққанға дейін бірнеше рет басып тарту керек.

Артық дозаланған жағдайда қолданылатын шаралар

Ксилометазолин гидрохлоридін мұрын ішіне шамадан тыс қолданғанда препараттың артық дозалануы қатты бас айналуына, тершеңдікке, дене температурасының күрт түсіп кетуіне, бас ауыруына, брадикардияға, артериялық гипертензияға, тыныстың тарылуына және комаға әкелуі мүмкін. Гипертензиядан кейін гипотензия дамуы мүмкін. Кішкентай балалар ересектермен салыстырғанда уыттылығына аса сезімтал. Симптоматикалық емдеуді дәрігер жүргізуі тиіс.

Мұрын ішіне шектен тыс қолданғаннан кейін, қанға тым мардымсыз сіңуіне орай, ипратропий бромидінің артық дозалану ықтималдығы аз, бірақ мынадай симптомдар: ауыздың кеберсуі, аккомодацияның қиындауы және тахикардияның дамуы мүмкін.

Емі симптоматикалық.

Елеулі артық дозалану елестеулер орын алатын орталық жүйке жүйесі тарапынан антихолинергиялық симптомдар тудыруы мүмкін, оларды жою үшін холинэстераза тежегіштері тағайындалады.

Болуы мүмкін жағымсыз реакциялар

Препараттың жағымсыз әсерлерінің жиілігі былайша бағаланады:

Өте жиі ( шамамен пациенттердің 10 % астамында кездеседі)

Жиі (пациенттердің 1 % астамында, бірақ 10 %-дан азында кездеседі)

Жиі емес (пациенттердің 0,1 % астамында, бірақ 1 %-дан азында кездеседі)

Сирек (пациенттердің 0,01 % астамында, бірақ 0,1 %-дан азында кездеседі)

Белгісіз (қолда бар деректерге сәйкес бағаланбайды)

Психиканың бұзылуы

Жиі емес: ұйқысыздық.

Жүйке жүйесі тарапынан бұзылулар

Жиі: дәмнің бұзылуы, бас ауыруы

Жиі емес: паросмия, бас айналу, тремор.

Көру мүшелері тарапынан бұзылулар

Жиі емес: көздің тітіркенуі, көздің құрғауы

Жиілігі белгісіз: аккомодация бұзылуы, жабық бұрышты глаукома симптомдарының нашарлауы, көздің ауыруы, фотопсия.

Жүрек тарапынан бұзылулар

Жиі емес: жүрек қағуының жиілеуі, тахикардия.

Тыныс алу жүйесі, кеуде қуысы мен көкірек ортасы ағзалары тарапынан бұзылулар

Өте жиі: мұрыннан қан кету, мұрынның құрғауы

Жиі: мұрынның бітелуі, мұрындағы жайсыздық, тамақтың құрғауы және тітіркенуі, мұрыннан бөліністер

Жиі емес: мұрындағы ойық жара, түшкіру, тамақ пен көмейдің ауыруы, жөтел, дисфония

Сирек: ринорея

Жиілігі белгісіз: мұрын қойнауларындағы жайсыздық.

Асқазан-ішек жолытарапынан бұзылулар

Жиі: ауыздың құрғауы

Жиі емес: асқорыту бұзылыстары, жүрек айну

Жиілігі белгісіз: дисфагия.

Тері және тері асты шелітарапынан бұзылулар

Жиілігі белгісіз: қышыну.

Бүйрек және несеп шығару жолдары тарапынан бұзылулар

Жиілігі белгісіз: несеп шығару іркілісі.

Жалпы бұзылыстар және енгізген орындағы реакциялар

Жиі емес: жайсыздық, шаршау.

Жиілігі белгісіз: кеуде қуысының ауыруы, шөлдеу, жүйелі аллергиялық реакциялар

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

белсенді заттар:0,6 мг ипратропий бромиді моногидраты; 0,5 мг ксилометазолин гидрохлориді

қосымша заттар: динатрий эдетаты дигидраты, глицерин (85 %), хлорсутек қышқылы, натрий гидроксиді, тазартылған су.

Сыртқы түрінің, иісінің, дәмінің сипаттамасы

Мөлдір, түссіз немесе сәл боялған сұйықтық.

Шығарылу түрі және қаптамасы

10 мл препараттан ұштығы бар помпалы дозалағыш құрылғымен және полиэтилен қорғағыш қалпақшамен жабдықталған пластмасса құтыларға салады.

Құты медициналық қолдану жөніндегі қазақ, орыс және әзірбайжан тілдеріндегі нұсқаулықпен бірге картон қорапқа салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

Такеда ГмбХ,

Роберт-Бош-Штрассе 8, 78224 Зинген, Германия

Takeda GmbH,

Robert-Bosch-Strasse 8, 78224 Singen, Germany

Тіркеу куәлігінің ұстаушысы

«Нижфарм» АҚ, Ресей Федерациясы

603950, Нижний Новгород қ.,

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды)қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ЕҰ «Нижфарм-Қазақстан» ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: (727) 2222-100

факс: (727) 398-64-95

e-mail: almaty@stada.kz