Біздің компаниямыз жайлы жалпы ақпарат.
Дәрілік препаратты медициналық
қолдану жөніндегі нұсқаулық (Қосымша парақ)
Саудалық атауы
Меновазин
Халықаралық патенттелмеген атауы
Жоқ
Дәрілік түрі, дозасы
Сыртқа қолдануға арналған ерітінді, 40 мл
Фармакотерапиялық тобы
Дерматология. Антигистаминдерді, жергілікті жансыздандыратындарды және басқаларын қоса, қышуға қарсы препараттар. Жергілікті жансыздандыратын препараттар.
АТХ коды D04AB
Қолданылуы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық
Қолдану кезінде қажетті сақтық шаралары
-жергілікті аллергиялық реакциялар: жанаспалы дерматит, күйдіру, шаншу, қышыну, тері бөртпесі, есекжем, ісіну болуы мүмкін.
- ұзақ қолдану кезінде: бас айналуы, жалпы әлсіздік, артериялық қысымның төмендеуі мүмкін.
Басқа дәрілік препараттармен өзара әрекеттесуі
Анықталмаған.
Арнайы ескертулер
Аллергиялық реакциялар дамыған кезде препаратты қолдануды тоқтату керек.
Педиатрияда қолдану
Балалар
Препаратты балалық кезеңде қолданудың тиімділігі мен қауіпсіздігі анықталмаған, сондықтан қолдану ұсынылмайды.
Жүктілік немесе лактация кезеңі
Препаратты жүктілік кезеңінде қолданудың тиімділігі мен қауіпсіздігі анықталмаған, сондықтан қолдану ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Енгізу әдісі және жолы
Сыртқа. Күніне 2-3 рет терінің ауырған жерлерін сылайды.
Дәрігердің тағайындауымен қолдану керек. Емдеу курсы 7-10 күн.
Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар
Препаратты дәрігердің кеңесінсіз ұзақ уақыт қолдануға болмайды.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10 дейін), жиі емес (≥ 1/1000-нан <1/100 дейін), сирек (≥ 1/10000-нан <1/1000 дейін), өте сирек (< 1/10000), белгісіз (қолда бар деректер бойынша баға беру мүмкін емес).
Жиілігі белгісіз
Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек
Қазақстан Республикасы Денсаулық сақтау министрлігі «Тауарлар мен көрсетілетін қызметтердің сапасы мен қауіпсіздігін бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
белсенді заттар: 2.5 г рацемиялық ментол; 1.0 г прокаин гидрохлориді (новокаин); 1.0 г бензокаин (анестезин),
қосымша зат - 70%этанол 100.0 мл-ге дейін
Сыртқы түрінің, иісінің, дәмінің сипаттамасы
Ментол иісі бар түссіз мөлдір сұйықтық.
Шығарылу түрі және қаптамасы
Препарат 40 мл-ден бұралатын қақпақтармен және полиэтилен тығынмен тығындалған немесе тығыздайтын элементтері бар полиэтилен қақпақтармен тығындалған бұрандалы мойны бар шыны массада жасалған құтыларда немесе дәрілік заттарға арналған бұрандалы қақпағы бар полиэтилен құтыларда.
Құтыларға өздігінен желімделетін заттаңба немесе заттаңбалық немесе жазуқағазынан жасалған заттаңбалар жапсырылады.
Құтылар медициналық қолдану жөніндегі қазақ және орыс тілдеріндегі нұсқаулықтармен бірге тиісті санымен орама қағаздан жасалған бумада немесе қораптық картоннан жасалған қорапқа немесе жылу ұстағыш полиэтилен үлбірге немесе гофрланған картоннан жасалған жәшікке салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
Жарықтан қорғалған жерде25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Фармация 2010» ЖШС, Қазақстан Республикасы, Қарағанды қ.,Чкалов к-сі, 7, тел.: 8 (7212) 42-67-34
e-mail: farmaciyakrg@mail.ru
Тіркеу куәлігінің ұстаушысы
«Фармация 2010» ЖШС, Қазақстан Республикасы, Қарағанды қ.,Чкалов к-сі, 7, тел.: 8 (7212) 42-67-34
e-mail: farmaciyakrg@mail.ru
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Фармация 2010» ЖШС, Қазақстан Республикасы, Қарағанды қ.,Чкалов к-сі, 7, тел.: 8 (7212) 42-67-34
e-mail: farmaciyakrg@mail.ru
