Сипаттама
Дәрілік препаратты медициналық қолдану
жөніндегі нұсқаулық
Мукосол
Саудалық атауы
Мукосол
Халықаралық патенттелмеген атауы
Карбоцистеин
Дәрілік түрі
Капсулалар 375 мг
Құрамы
Бір капсуланың құрамында
белсенді зат - карбоцистеин 375 мг
қосымша заттар: жүгері крахмалы, повидон К 30, тальк, магний стеараты.
қақпақшасы: желатин, титанның қостотығы (Е 171), бриллиантты көк (Е 133), кармоизин (Е 122), хинолинді сары (Е 104)
корпусы: желатин, титанның қостотығы (Е 171), «Күн батар түстес» сары (Е 110), бриллиантты көк (Е 133), кармоизин (Е 122)
Сипаттамасы
Өлшемі № 0, ашық қызыл түсті корпусы мен жасыл түсті қақпақшасы бар қатты желатинді капсулалар. Капсуланың ішіндегісі – ақ түсті ұнтақ
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда.
Mуколитиктер. Карбоцистеин
АТХ кодыR05CB03
Фармакологиялық әсері
Фармакокинетикасы
Карбоцистеин ішке қабылдағаннан кейін асқазан-ішек жолынан жылдам сіңіріледі. Қан плазмасында шектік концентрациясы ішіп қабылдаудан кейін 90-120 минут өткен соң байқалады. Карбоцистеин өкпе тініне және тыныс алу жолы шырышты қабығына өтеді. Препаратты қабылданғаннан кейін сарысудағы ең жоғары концентрациясына 1 - 1.7 сағаттан кейін жетеді. Бастапқы сатыдағы биожетімділігі (емдеуді бастағаннан кейінгі алғашқы 12 сағат ішінде) бауыр арқылы жылдам өту мүмкіндігінің нәтижесінде төмен (қабылдаған дозаның 10%-нан аздау). Плазмада тұрақты концентрацияға жеткеннен кейін биожетімділігі ұлғаяды. Плазмадан жартылай шығарылу кезеңі 2 сағатқа жуықты құрайды. Көбіне метаболиттермен бірге бүйрек арқылы шығарылады.
Фармакодинамикасы
Карбоцистеин муколитикалық препарат бола отырып, гликопротеидтердің дисульфидтік байланысын бұза отырып, эндобронхиалдық секреттің гель сатысына әсер етеді, осылайша секрет тұтқырлығын азайтады жәнесекрет созылғыштығын арттырады. Карбоцистеин сондай-ақ бронх шырышты қабығының бокал тәрізді жасушаларының ферменті – сиал трансферазасын белсендіріп, қышқыл және бейтарап сиаломуциндер сандық арақатынасын қалыпқа түсіреді, бұл шырыш тұтқырлығы мен созылғыштығын қалыпқа келтіреді. Карбоцистеин шырышты қабықтың регенерациясына ықпал етеді, оның құрылымын дұрыстайды, кірпікшелі эпителийдің қызметін белсендіреді, иммунологиялық белсенді IgA секрециясын қалпына келтіреді, мукоциллиарлы клиренсті жақсартады.
Қолданылуы
- тыныс алу жолдары созылмалы ауруларында (бронхит, эмфизема, демікпелі бронхит, бронхоэктаз, туберкулез, пневмокониоз, силикоз және т.б.)
- жедел респираторлық ауруларда (бронхит, пневмония, жедел демікпелі ұстамалар)
- науқасты бронхоскопия немесе бронхографияға дайындауда; бронхография кезінде контрастылы заттардың қақырықпен түсуін жеңілдету үшін
Қолдану тәсілі және дозалары
Мукосолды жылы судың мол мөлшерімен тамақтану кезінде немесе одан кейін қабылдау керек.
Препарат қабылдауды 1-2 капсуладан күніне 3-4 рет қабылдаудан бастау керек. Жақсару басталған соң дозаны күніне 3-4 рет 1 капсулаға дейін азайтады. Дозаны аурудың ауырлығына қарай белгілейді.
Емдеу курсы 7 күн.
Жағымсыз әсерлері
- аллергиялық реакциялар (қышыну, тері бөртпесі, ангионевроздық ісіну)
- асқазан-ішек жолының бұзылуы (жүрек айну, құсу, гастралгия)
- бас айналу, әлсіздік, дімкәстік
- асқазан-ішектен қан кету
Қолдануға болмайтын жағдайлар
- препарат компоненттеріне жоғары сезімталдық
- асқазан және он екі елі ішектің белсенді немесе қайталанатын пептикалық ойық жарасы
- жүктіліктің бірінші триместрі (жүктіліктің екінші және үшінші триместрінде сақтықпен қолдану керек) және лактация кезеңі
- өршу сатысындағы созылмалы гломерулонефрит
- 18 жасқа дейінгі балалар
Дәрілермен өзара әрекеттесуі
Карбоцистеин жоғары және төменгі тыныс жолдары қабыну ауруларын глюкокортикостероидты және антибактериялық емдеудің тиімділігін арттырады.
Карбоцистеин теофиллиннің бронхолитикалық әсерін күшейтеді.
Жөтелге қарсы және М-холиноблокаторлық дәрілік заттар карбоцистеиннің белсенділігін әлсіретеді.
Айрықша нұсқаулар
Жүктілік және лактация кезеңі
Препаратты жүктіліктің екінші, үшінші триместрінде және лактация кезеңінде, егер ана үшін болжамды пайдасы ұрық пен балаға төнетін ықтимал қатерден асып түсетін болса ғана, қолдануға болады.
Препарат сыртартқысында пептикалық ойық жара диагнозы қойылған пациенттерде сақтықпен пайдаланылуы тиіс.
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көрсетілген жағымсыз әсерлерін ескере отырып, көлік құралын басқару жағдайында немесе қауіптілігі зор механизмдермен жұмыс істегенде сақтықпен қолдану керек.
Артық дозалануы
Симптомдары: гастралгия, жүрек айну, диарея
Емі: асқазанды шаю, симптоматикалық емдеу. Арнайы антидоты жоқ.
Шығарылу түрі және қаптамасы
10 капсуладан қатты поливинилхлоридті үлбірден және алюминий фольгадан жасалған пішінді ұяшықты қаптамада.
2 қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапта.
Сақтау шарттары
30ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
| Дәріханалардан босатылу шарттары Рецептісіз |
Өндіруші
«Медикал Юнион Фармасьютикалс», Мысыр
36, Мохамед Хасан Эль-Гамаль к-сі, 6-шы аудан, Наср Сити,Каир 11471,А/ж 7010.
Тіркеу куәлігінің ұстаушысы
«Медикал Юнион Фармасьютикалс», Мысыр
Қаптаушы ұйымның атауы және елі
«Медикал Юнион Фармасьютикалс», Мысыр
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Медикал Юнион Фармасьютикалс» компаниясыныңҚазақстан Республикасындағы өкілдігі
Алматы қ., Марков к-сі 61/1, 3 блок, 2 қабат
Тел.: 8 (727) 224 27 14, 8 (727) 224 27 19,
e-mail: mupkz.al@gmail.com
