Парацетамол 120 мг/5 мл 100 мл суспензия для приема внутрь
Тауарлардың көрінісі фотосуретте көрсетілгеннен өзгеше болуы мүмкін

Парацетамол 120 мг/5 мл 100 мл суспензия для приема внутрь

420
Қолжетімділігі
Сатылымда бар
Үлгі
4602565030025
Елі
Россия
Өндіруші
Синтез Акционерное Курган
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

ПАРАЦЕТАМОЛ

Халықаралық патенттелмеген атауы

Парацетамол

Дәрілік түрі, дозасы

Ішуге арналған суспензия 120 мг/5 мл, 100 мл

Фармакотерапиялықтобы

Жүйке жүйесі. Анальгетиктер. Басқа анальгетиктер және антипиретиктер. Анилидтер. Парацетамол.

АТХ коды N02BE01

Қолданылуы

2 айлықтан 12 жасқа дейінгі балаларға төмендегіше қолданады:

- суық тию аурулары және тұмауды қоса жоғарғы тыныс жолдары инфекциясы аясында және балалардың инфекциялық ауруларында (желшешек, шошқаборық, қызылша, қызамық, көкжөтел, жәншау және т.б.) дененің жоғары температурасын төмендету үшін – ыстықты түсіретін дәрі

- ауыруды жеңілдету үшін (әлсіз және орташа қарқынды ауыру синдромында) келесіде:

- балаларда вакцинациядан кейін дене температурасын төмендету үшін

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- парацетамолға немесе препараттың басқа компоненттеріне аса жоғары сезімталдық

- бауыр мен бүйрек функциясының айқын бұзылулары

- қан ауруларының ауыр түрі (анемияның ауыр түрі, лейкопения, тромбо­цитопения); агранулоцитоз

-глюкозо-6-фосфатдегидрогеназа тапшылығы

- тұқым қуалайтын фруктоза жақпаушылығы немесе глюкоза-галактоза мальабсорбциясы

- жаңа туған сәбилер (2 айға дейінгі)

- құрысуға қарсы дәрілермен бір мезгілде қолдану

- суық тию мен тұмауды емдеуге арналған құрамында парацетамол бар басқа препараттармен, ауыруды басатын және ыстықты түсіретін препараттармен бір мезгілде қабылдау.

Сақтықпен мына жағдайларда:

- бауыр функциясы бұзылғанда

- бүйрек функциясы бұзылғанда

- қатерсіз гипербилирубинемия (оның ішінде Жильбер синдромы)

- сепсис сияқты глутатион- жүдеп-арықтаған жай-күйлерде, парацетамол қабылдау метаболизмдік ацидоз қаупін арттыруы мүмкін

- анорексиямен ауыратын қатты жүдеп-арықтаған пациенттерде немесе дене салмағының индексі төмен пациенттерде қолданылуы мүмкін.

Препаратты қабылдау алдында аталған аурулардың қандай да бірі болған жағдайда дәрігермен кеңесу қажет.

Қолдану кезіндегі қажетті сақтық шаралары

ПАРАЦЕТАМОЛ препараты, ішке қабылдауға арналған суспензия, 120 мг/5 мл құрамында парацетамол бар, сондықтан оны құрамында парацетамол бар басқа препараттармен қолдануға болмайды, себебі бірлескен қабылдау парацетамолдың артық дозалануын тудыруы мүмкін. Парацетамолды артық дозалаған кезде бауыр жеткіліксіздігінің дамуы мүмкін, ол бауыр трансплантациясының қажеттілігіне немесе өліммен аяқталуға әкелуі мүмкін. Бауырдың қатарлас аурулары ПАРАЦЕТАМОЛ препаратын қабылдағанда бауырдың одан әрі зақымдану қаупін арттырады

Бауыр немесе бүйрек жеткіліксіздігі диагностикаланған пациенттер қолданар алдында дәрігерден кеңес алу керек.

Тамақтануға байланысты бұзылыстар, циститтік фиброз, АИТВ-инфекциясы, ашығу, жүдеп-сарқылу салдарынан глутатион тапшылығы бар пациенттер артық дозалануға бейім, сондықтан сақтық шараларын сақтауы қажет.

Глутатион деңгейі төмен пациенттерде, атап айтқанда, анорексиясы бар өте жүдеген пациенттерде, созылмалы алкоголизмнен зардап шегетін, дене салмағының индексі төмен немесе сепсиспен ауыратын пациенттерде парацетамол аз мөлшерде (5 г және одан көп) артық дозаланғанда бауыр жеткіліксіздігі/бауыр функциясы бұзылуының даму жағдайлары тіркелген.

Парацетамол препаратын глутатион деңгейі төмен пациенттерде қолдану тыныс алудың жиілеуі, қиындауы сияқты, жүрек айнуы, құсу, тәбеттің жоғалуы симптомдарымен қатар жүретін метаболизмдік ацидоздың даму қаупін арттыруы мүмкін. Осы симптомдарды бір мезгілде байқаған кезде дереу медициналық көмекке жүгіну керек. Несеп қышқылын және қандағы қант деңгейін анықтауға талдау жүргізген кезде пациент дәрігерге ПАРАЦЕТАМОЛ препаратын қолданғаны туралы хабарлауы тиіс.

Препаратты 7 күннен артық қабылдаған кезде шеткері қанды және бауырдың функционалдық жағдайын бақылау ұсынылады.

Ешқашан кестеде көрсетілгеннен артық дәрі (дозадан арттыруға болмайды) бермеңіз.

Өлшегіш қасықты артық толтыруға болмайды!

Әрқашан қаптамада ПАРАЦЕТАМОЛ препаратымен бірге берілетін қасықты пайдаланыңыз.

3 айдан асқан балаларға 24 сағат ішінде 4 дозадан артық беруге болмайды.

Препаратты қабылдау аралығынкемінде 4 сағат етіп ұстау керек.

Сәбиге 120 мг/5 мл ПАРАЦЕТАМОЛ, ішуге арналған суспензиясын беруді 3 күннен асырмау керек. Қажет болған жағдайда препаратпен емдеу курсын тек дәрігермен кеңескеннен кейін ғана ұзартуға болады. Барлық дәрілер жағдайындағы сияқты, егер бала қазіргі уақытта қандай да бір дәрі-дәрмектерді қабылдаса, осы препаратты қабылдауды бастамас бұрын дәрігермен кеңесу керек.

Препаратты балалардың көзіне түспейтін және қолы жете бермейтін орында ұстау керек.

Құтыны препараттың қаптамалық картон қорабында ұстаңыз.

Дәрігердің бақылауында болудан басқа ұзақ қолдану қауіпті болуы мүмкін.

Артық дозаланғанда, пациент өзін жақсы сезінген жағдайда да бауырдың қайтымсыз зақымдану қаупіне байланысты, дереу дәрігерге бару керек.

Басқа дәрілік препараттармен өзара әрекеттесуі

Парацетамол метаболизмі карбамазепинмен, фосфенитоинмен, фенитоинмен, фенобарбиталмен, примидонмен үдеуі мүмкін (сондай-ақ гепатоуыттылық туралы жеке хабарламалар бар).

Метоклопрамидпен немесе домперидонмен бір мезгілде қолданғанда парацетамолдың сіңу жылдамдығы артады, ал холестираминмен парацетамолдың сіңу жылдамдығы төмендейді.

Варфарин және кумариннің басқа туындыларының антикоагулянттық әсері парацетамолды ұзақ уақыт ұдайы қабылдау аясында күшеюі мүмкін, бұл қан кету қаупін арттырады. Эпизодтық дозалар елеулі әсер етпейді.

Препаратты құрамында парацетамол бар басқа препараттармен бір мезгілде қолданбаған жөн.

Парацетамолды барбитураттармен, дифенинмен,құрысуға қарсы дәрілермен, рифампицинмен, бутадионменпайдаланғанда гепатоуытты әсерінің қаупі артуы мүмкін.

Парацетамол левомицетинмен бір мезгілде қабылданғанда (хлорамфениколмен) соңғысының уыттылығы артуы мүмкін.

Арнайы ескертулер

ПАРАЦЕТАМОЛ препараты, 120 мг/5 мл ішке қабылдауға арналған суспензиясының құрамында:

- метилпарагидроксибензоат, баяу типті аллергиялық реакцияларды тудыруы мүмкін

- сорбитол және сахароза, препараттың тұқым қуалайтын фруктоза көтере алмаушылығы немесе глюкоза-галактоза мальабсорбциясы бар пациенттерге қарсы көрсетілімде болуына байланысты

Педиатрияда қолданылуы

Препаратты жаңа туған кезеңінде қабылдауға болмайды (2 айға дейінгі сәбилерге))

Шала туған және өмірінің 3 айына дейінгі сәбилерге препаратты тек дәрігердің ұйғарымы бойынша ғана қабылдауға болады.

2-3 айлық сәбилерге тәулігіне 2 дозадан артықберуге болмайды.

Жүктілік немесе лактация кезеңінде

Жүкті әйелдер туралы деректердің үлкен көлемде болуы парацетамолдың фето және/немесе неонатальді уыттылығы жоқтығын, сондай-ақ даму ақауларын тудыру ықпалының жоқтығынайғақтайды. Жатыр ішінде парацетамол әсеріне ұшыраған балалардағы жүйке жүйесінің дамуын эпидемиологиялық зерттеу дәйексіз нәтижелер көрсетті. Жүктілік кезінде парацетамолды клиникалық қажеттілікке сүйене отырып қабылдауға болады, алайда оны ең аз тиімді дозада, ең аз ықтимал қысқа мерзімде және ең аз ықтимал жиілікпен қабылдау керек.

Лактация

Парацетамол плацентарлық бөгет арқылы өтеді және емшек сүтімен бөлінеді. Бала емізу кезінде бала организміне қандай да бір теріс әсері анықталмады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ

Қолдану жөніндегі нұсқаулар

Дозалау режимі

Қаптаманың ішіне салынған екі жақты қасық қолайлы және препаратты дұрыс және тиімді дозалауға мүмкіндік береді:

немесе екі белгісі бар қасық:

Препараттың мөлшері баланың жасына және дене салмағына байланысты

2 айлықтан 3 айлыққа дейінгі нәрестелер

Вакцинадан кейінгі реакцияларды симптоматикалық жеңілдету мақсатында бір реттік доза баланың дене салмағына қарай 10-15 мг/кг құрайды. ПАРАЦЕТАМОЛ препаратын тәулігіне 1-2 реттен асырмай қолданған жөн.

Жасы: 2-3 айлық

Бір реттік дозасуспензиясының көлемі

Вакцинациядан кейін дене температурасы жоғарылаған кезде

2. 5 мл

Егер 2. 5 мл көлемінде қайталап дозаны енгізу қажет болған жағдайда препаратты бірінші қабылдағаннан кейін 4-6 сағаттан кейін ғана енгізуге болады.

Дене температурасының жоғарылауының ауыруда және басқа да себептері кезінде, егер:

  • ты 2 айлығына жетпеген нәрестелерге беруге болмайды
  • препаратын қабылдаудың ең төмен аралығы 4 сағаттан кем болмауы тиіс
  • күрделі инфекциядан туындауы мүмкін дене температурасының жоғарылауын тез диагностикалау үшін жасалады. Егер сәбиде препараттың екі дозасын енгізгеннен кейін дене температурасы жоғары болып қалса, дәрігерге немесе фармацевтке жүгіну керек.
  • сәби вакцинаны алғаннан кейін екі күн өткен соң препаратты қабылдауды қажет етсе, дәрігерге немесе фармацевтке жүгіну керек.
  • мезгілінен ерте туылса және өзі әлі 3 айға толмаса, препаратты қабылдау алдында дәрігермен кеңесу керек.

3 айлықтан 12 жасқа дейінгі жастағы балалар

Ең жоғары бір реттік доза – дене салмағына қарай 10 - 15 мг/кг дейін.

Ең жоғары тәуліктік доза – дене салмағына қарай 60 мг/кг (24 сағат ішінде дене салмағына қарай 10 - 15 мг/кг дейінгі жеке-дара бір реттік доза қабылдаған жағдайда)

Сәбидің жасы

Бір реттік доза үшін суспензия көлемі

Қабылдау жиілігі тәулігіне (24 сағат) қабылдаудың 4-тен 6 сағатқа дейінгі аралығымен

3 –тен 6 айға дейін

2. 5 мл

3 –тен 4 ретке дейін

6 айдан бастап 24 айға дейін

5 мл

3 –тен 4 ретке дейін

2 жастан бастап 4 жасқа дейін

7. 5 мл (5 мл+ 2.5 мл)

3 –тен 4 ретке дейін

4 жастан бастап 8 жасқа дейін

10 мл (5 мл +5 мл)

3 –тен 4 ретке дейін

8 жастан бастап10 жасқа дейін

15 мл (5 мл + 5 мл + 5 мл)

3 –тен 4 ретке дейін

10 жастан бастап 12 жасқа дейін

20 мл (5 мл+5 мл+ 5 мл+5 мл)

3 –тен 4 ретке дейін

  • !
  • 4 дозадан астам беруге болмайды
  • ПАРАЦЕТАМОЛ препаратын дәрігердің кеңесінсіз қолданудыңең жоғары ұзақтығы-3 күн.

Ұсынылған дозаны кездейсоқ асырғанда, бала өзін жақсы сезінсе де, дереу дәрігерге жүгіну керек, себебі бауырдың ауыр зақымдануының даму қаупі бар.

Егер ПАРАЦЕТАМОЛ препаратын қабылдаған кезде баланың жағдайы жақсармаса, дәрігерге бару керек.

Пациенттердің ерекше топтары

Бүйрек функциясы бұзылған пациенттер

ПАРАЦЕТАМОЛ препаратын қолданар алдында бүйрек функциясы бұзылған пациенттерге алдын ала дәрігермен кеңесу қажет.

Бүйрек функциясы бұзылған пациенттерге құрамында парацетамол бар препараттарды қолданумен байланысты шектеулер көбінесе дәрілік препараттағы парацетамолмен байланысты.

Бауыр функциясы бұзылған пациенттер

ПАРАЦЕТАМОЛ препаратын қолданар алдында бауыр функциясы бұзылған пациенттерге алдын ала дәрігермен кеңесу қажет.

Бауыр функциясы бұзылған пациенттерде құрамында парацетамол бар препараттарды қолданумен байланысты шектеулер көбінесе дәрілік препараттағы парацетамол құрамына байланысты.

Егде жастағы пациенттер

Препарат ересек пациенттерде, оның ішінде егде жастағы адамдарда қабылдауға арналмаған.

Егде адамдарда парацетамолдың сіңу жылдамдығы мен дәрежесі дені сау адамдардағы сияқты, бірақ қан плазмасынан жартылай шығарылу кезеңі ұзақ, ал парацетамол клиренсі жас адамдарға қарағанда төмен болып табылады.

Енгізу әдісі мен жолы

Ішке қабылдау үшін.

Тамаққа дейін, сұйылтылмаған түрде, сумен іше отырып қабылдау керек.

Қолданар алдында құтының ішіндегісін кемінде 10 сек бойы жақсылап шайқау керек.

Емдеу ұзақтығы

Артық дозаланған жағдайда қолданылуы қажет шаралар

Парацетамолдың артық дозалануы бауыр жеткіліксіздігін тудыруы мүмкін, ол бауыр трансплантациясы қажеттігіне немесе өлімге әкелуі мүмкін. Бауыр дисфункциясы мен гепатоуыттылығымен қоса жүретін жедел панкреатит байқалды.

Парацетамолмен улану қаупі, әсіресе егде жастағы адамдарда, кішкентай балаларда, бауыр аурулары бар пациенттерде, созылмалы алкоголизм жағдайларында және созылмалы тамақтану тапшылығы бар пациенттерде болады. Бұл жағдайларда артық дозалануы өлімге әкелуі мүмкін.

ПАРАЦЕТАМОЛ препаратын артық дозалаған жағдайда, тіпті егер пациент өзін жақсы сезінсе де және артық дозалаудың айқын симптомдары байқалмаса да, препаратты қолдануды тоқтату және медициналық көмек көрсету үшін дереу дәрігерге бару қажет.

7,5 г немесе одан да көп парацетамол қабылдаған ересектер мен жасөспірімдерде (≥12 жас) бауырдың зақымдануы мүмкін. Уытты метаболиттің шамадан артық мөлшері (әдетте парацетамолдың қалыпты дозасын ішке қабылдағанда глутатионмен талапқа сай детоксикацияланатын) бауыр тінімен қайтымсыз байланысады деп болжайды. 5 г немесе одан да көп парацетамолды ішке қабылдау, егер пациентте қауіп факторлары болса, бауырдың зақымдануына әкелуі мүмкін (төменді қараңыз)

Қауіп факторлары:

Егер пациент

а) бауыр ферменттерінің индукциясын тудыратын карбамазепинмен, фенобарбиталмен, фенитоинмен, примидонмен, рифампицинмен, шайқураймен немесе басқа да препараттармен ұзақ емдеуде

немесе:

б) ұсынылған мөлшерден тыс этанолды тұрақты тұтынады

немесе:

c) глутатионның әлсіреуі ықтимал аурулар бар, мысалы, тағам алудың бұзылыстарында, муковисцидозда, АИТВ инфекциясында, ашығуда, кахексияда

Симптомдары:

Артық дозаланғаннан кейінгі алғашқы 24 сағат ішінде келесі симптомдар пайда болуы мүмкін: жүрек айнуы, құсу, іштің ауыруы, глюкоза метаболизмінің бұзылуы (тершеңдік, бас айналу, естен тану), тері жабынының бозаруы, тәбеттің төмендеуі, көмірсу алмасуының бұзылуы немесе пациенттерде симптомдар болмауы мүмкін,

Ересектерде немесе балаларда бір рет енгізгенде парацетамолдың артық дозалануы бауыр жасушаларының некрозын тудыруы мүмкін, ол гепатоцеллюлярлы жеткіліксіздікке, глюкоза метаболизмінің бұзылуына, метаболикалық ацидозға және энцефалопатияға (ми функциясының бұзылуы), қан кетуге, гипогликемияға, мидың ісінуіне әкеп соқтыруы мүмкін толық және қайтымсыз некроз тудыруы мүмкін, бұл комаға және өліммен аяқталуға әкелуі мүмкін.Бір мезгілде бауыр трансаминазасының (АСТ, АЛТ), лактатдегидрогеназа мен билирубин деңгейінің жоғарылауы, сондай-ақ препаратты енгізгеннен кейін 12-48 сағаттан кейін пайда болуы мүмкін және 4-6 тәуліктен кейін ең жоғарысына жететін протромбин деңгейінің жоғарылауы байқалады.Сондай-ақ жедел тубулярлы некрозы бар жедел бүйрек жеткіліксіздігінің дамуы мүмкін, оның сипатты белгілері бел аймағындағы ауырсыну, гематурия (қанның немесе несептегі эритроциттердің қоспасы), протеинурия (несептегі ақуыздың жоғары мөлшері) болып табылады, бұл ретте бауырдың ауыр зақымдануы болмауы мүмкін.Жүрек ырғағының бұзылуы, панкреатит жағдайлары байқалды.

Ұсынылған дозадан асырып ұзақ уақыт қолданғанда гепатоуыттылық және нефроуыттылық әсер (бүйрек шаншуы, спецификалық емес бактериурия, интерстициальді нефрит, папиллярлы некроз) байқалуы мүмкін.

Емі:

Парацетамолдың артық дозалануын емдеу кезінде емді дереу бастаудың маңызы бар. Елеулі ерте симптомдарының жоқтығына қарамастан, пациенттер шұғыл түрде ауруханаға стационар жағдайында жедел медициналық көмек алу үшін жіберілуі тиіс! Симптомдар жүрек айнуы немесе құсумен шектелуі және артық дозалану ауырлығын немесе ағзалардың зақымдану қаупін көрсетпеуі мүмкін. Емдеу емнің белгіленген басшылық принциптеріне сәйкес жүзеге асырылуы тиіс.Артық дозаланғаннан кейін бірінші сағат ішінде асқазанды жуу және энтеросорбенттерді (белсендірілген көмір, полифепан) қабылдау ұсынылады.Қан плазмасындағы парацетамол деңгейін анықтау керек, бірақ артық дозаланғаннан кейін кемінде 4 сағаттан соң (бұдан бұрынғы нәтижелері дұрыс емес).Оны қолдану жөніндегі жалпы қабылданған нұсқаулықтарға сәйкес артық дозаланудан кейін 24 сағат ішінде N - ацетилцистеин антидотын мүмкіндігінше тезірек енгізу керек.Ең жоғары қорғаныш әсері артық дозаланғаннан кейін алғашқы 8 сағат ішінде қамтамасыз етіледі, уақыт өте келе антидоттың тиімділігі күрт төмендейді.Қажет болған жағдайда ацетилцистеинді вена ішіне енгізеді. Пациент стационарға түскенге дейін құсу болмаған жағдайда метионинді қолдануға болады.Қосымша емдік іс-шараларды жүргізу қажеттілігі (метионинді қолдану, ацетилцистеинді вена ішіне енгізу) қандағы парацетамолдың концентрациясына, сондай-ақ оны қабылдағаннан кейін өткен уақытқа байланысты анықталады.Сондай-ақ симптоматикалық ем жүргізу керек. Бауыр функциясының елеулі бұзылуы бар пациенттерді парацетамолды қабылдағаннан кейін 24 сағаттан кейін емдеу токсикологиялық орталықтың немесе бауыр ауруларының мамандандырылған бөлімшесінің мамандарымен бірлесіп жүргізілуі тиіс.

Дәрілік препаратты қолдану тәсілін айқындау үшін медицина қызметкерінехабарласыңыз

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 -< 1/1000 дейін), өте сирек (< 1/10000), белгісіз (қолда бар деректер негізінде бағалау мүмкін емес)

Жиі емес

- жүрек айну, құсу, асқазан тұсының ауыруы

- уытты нефропатия

Өте сирек

- анафилаксиялық реакциялар

- аса жоғары сезімталдық реакциялары

- бөртпе

- терінің ауыр реакциялары: ангиоэдема (ангионевроздық ісіну), Стивенс-Джонсон синдромы, уытты эпидермальді некролиз

- күлбіреуіктер

Белгісіз

-баяу типті аллергиялық реакциялар (құрамында метилпарагидроксибензоат болуына байланысты)

- қан түзілуінің бұзылуы (тромбоцитопенияны, агранулоцитозды қоса)1

- бауыр функциясының бұзылуы, (созылмалы бауыр некрозы парацетамолмен ұзақ емделгенде)2

- тұрақты эритема

- қышынатын бөртпе

- есекжем

-бүйректің папиллярлық некрозы 3

- трансаминаза деңгейі жоғарылауы 4

- гематомалар (көгерулер) және қан кету

- бронх түйілуі (ацетилсалицил қышқылына және қабынуға қарсы стероидты емес басқа препараттарға аса жоғары сезімталдығы бар пациенттерде)

1 Парацетамолды қолданғаннан кейін хабарланған, бірақ әрдайым препаратпен себеп-салдарлық байланыс анықталған жоқ

2 Созылмалы бауыр некрозы жыл бойы күнделікті емдік дозада парацетамолды қабылдаған пациентте тіркелген

3 Хабарлар препаратты ұзақ қолданғаннан кейін жасалды

4 Парацетамолдың емдік дозаларын қабылдайтын кейбір пациенттерде трансаминаза деңгейінің жоғарылауы байқалуы мүмкін; Бұл жоғарылаулар бауыр жеткіліксіздігімен қатар жүрмейді және әдетте емдеуді жалғастырғаннан немесе парацетамолды тоқтатқаннан кейін жойылады

Созылмалы бауыр некрозы шамамен бір жыл бойы емдік дозаларда күнделікті парацетамолды қабылдаған пациентте тіркелген, сондай-ақ қысқа уақыт кезеңі ішінде қалыптан асатын дозаларда күнделікті қабылдағаннан кейін бауырдың зақымдану жағдайлары анықталды. Созылмалы белсенді гепатиті бар пациенттер тобына шолуда ұзақ уақыт парацетамолды қолданғандарда бауыр функциясының бұзылуында айырмашылықтар анықталмады және парацетамолды тоқтатқаннан кейін ауруды бақылау жақсармады.

Жоғарыда аталған жағымсыз реакциялардың кез келгені туындаған жағдайда, препаратты қабылдауды тоқтатып, дереу медициналық көмекке жүгіну керек!

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

Қазақстан РеспубликасыДенсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды, медициналық бұйымдарды сараптау Ұлттық орталығы” ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл препараттың құрамында

белсенді зат– 2,4 г парацетамол,

қосымшазаттар : метилпарагидроксибензоат, сұйық сорбитол , глицерин, ксантан шайыры, құлпынай хош иістендіргіші,

сахароза, тазартылған су

Сыртқы түрінің, иісінің, дәмінің сипаттамасы

Құлпынайдың иісі бар, ақ немесе ақ дерлік түсті біркелкі суспензия. Суспензия құрамында кристалдар бар.

Шығарылу түрі және қаптамасы

100 мл тесіктері бар алюминий қалпақшамен немесе алғашқы ашылуы бақыланатын нығыздайтын-бұрандалы қақпақпен, не алғашқы ашылуы бақыланатын және балалардан қорғалған қақпақпен, не алғашқы ашылуы бақыланатын қақпақпен, не балалардың ашып алуынан қорғалған қақпақпен жабылған мойны бұралатын қызғылт сары шыны құтыда.

Әр бөтелкеге өзі желімденетін заттаңба жапсырылады.

Әр құты медициналық қолдану жөніндегі қазақ және орыс тілдеріндегі нұсқаулықпен және дәрілік заттарға арналған дозалайтын екі жақты полимер қасықпен бірге картон қорапшаға салынады.

Сақтау мерзімі

3 жыл

Құтыны ашқаннан кейін 1 ай ішінде пайдалану керек

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде 25 °С-ден аспайтын температурада сақтау керек

Мұздатып қатыруға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Синтез» ААҚ, Ресей, 640008

Қорған обл., Қорған қ.,

Конституция даңғылы, 7 үй.

тел./факс (3522) 48-16-89

е-mail: contact@ksintez.ru

www.ksintez.ru

Тіркеу куәлігінің ұстаушысы

«Синтез» ААҚ, Ресей, 640008

Қорған обл., Қорған қ.,

Конституция даңғылы, 7 үй.

тел./факс (3522) 48-16-89

е-mail: contact@ksintez.ru

www.ksintez.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Deсalog» ЖШС,

050050, Қазақстан Республикасы,

Алматы қ., Глазунов к-сі, 41 А-4

тел.:+7(727) 2944221, тел.: +7 (701) 7315218

E-mail: deсalog@nur.kz

Дәріханалар

Тауар артығымен бар
Тауар аз қалды
Аптека № 58, Алматы, (Акбулак)
мкр Акбулак, ул.Хан Шатыр 273
00:00 - 23:59
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека №49
г.Алматы, Наурызбайский р-н, мкр. Калкаман 2 а
09 00- 21 00
Аптека № 91, Алматы, (Магнум Думан)
мкр. Думан, ТД Магнум
круглосуточно
Аптека №57
Демьяна бедного 3
Круглосуточно
Аптека №222
ул. Розыбакиева 33/1 ТК "Оптовка" магазин №3/8
08:00 до 20:00
Аптека № 142, Алматы, (Абая Манаса)
улица Абая 60 угол Манаса.
Круглосуточно
Аптека №263, Алматы, (Жандосова)
Жандосова 162А.
09:00-18:00
Аптека № 81, Алматы, (Магнум Абая)
Абая угол Момышулы, ТД Магнум
Круглосуточно
Аптека №223
ул.Сейфуллина 182
09:00 до 22:00
Аптека № 241
ул. Назарбаева 76
08 00-20 00
Аптека №175, Алматы, (Магнум Первомайка)
п. Первомайка тр.Алматы- Капчагай в ТД Магнум
Круглосуточно
Аптека №94, Алматы, (ЖК Евразия)
ул.Масанчи, д.23/12 (ЖК Евразия)
09:00-22:00
Аптека №234
ТД "Мерей" Райымбек батыры/Суюнбая
8:00-22:00
Аптека №294
Алматы ,Кульджинский тракт, 14,
круглосуточно
Аптека №260, Алматы, (Алтынсарин)
11-й микрорайон, 26 / Алтынсарина проспект, 26
08:00-22:00
Аптека №34 ПТ Алматы (Айнабулак)
мкр. Айнабулак 3 ул.Жумабаева д 98А
09:00-21:00