Ринотайсс спрей назальный (стекло) 10мл

Сипаттама

Дәрілік затты медициналық қолдану жөніндегі нұсқаулық

Доктор Тайсс Ринотайсс

Саудалық атуы

Доктор Тайсс Ринотайсс

Халықаралық патенттелмеген атауы

Ксилометазолин

Дәрілік түрі

Мұрынға арналған спрей 0.1 %, 10 мл

Құрамы

10 мл препараттың құрамында

белсенді зат - 0.0100 г ксилометазолин гидрохлориді,

қосымша заттар: бензалконий хлоридінің 50 % ерітіндісі, динатрий фосфаты додекагидраты, калий дигидрофосфаты, натрий хлориді, тазартылған су

Сипаттамасы

Түсстіз дерлік, мөлдір сұйықтық.

Фармакотерапиялық тобы

Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Ксилометазолин.

АТХ коды R01АА07

Фармакологиялық қасиеттері

Фармакокинетикасы

Препаратты жергілікті қолданғанда іс жүзінде сіңбейді, сондықтан қан плазмасындағы концентрациясы өте аз және хроматографиялық әдістер арқылы анықталмайды.

Фармакодинамикасы

Ксилометазолин альфа-адреномиметикалық белсенділігі бар жергілікті тамыр тарылтатын дәрілер (деконгестанттар) тобына жатады, мұрынның шырышты қабығы қантамырларының тарылуын туындатады, осылайша, мұрын шырышты қабығының ісінуі мен гиперемиясын жоя отырып, мұрын жолдарының өткізгіштігін қалпына келтіреді, мұрынмен тыныс алуды жеңілдетеді.

Препараттың әсері оны қабылдағаннан кейін бірнеше минуттан соң байқалады және бірнеше сағат бойы жалғасады.

Қолданылуы

Суық тиюмен, аллергиялық ринитпен, синуситпен байланысты мұрынның бітелуін жеңілдету үшін (пішен қызбасын қоса).

Қолдану тәсілі және дозалары

Ересектер мен 12 жастан асқан балаларға: әр мұрын жолына бір рет бүрку ұсынылады (қажет кезінде қайталауға болады), бірақ күніне 3 реттен көп емес.

Берілген дозадан асырмау керек! Әсіресе бұл егде жастағы пациенттерге және балаларға қатысты.

Препараттың жақсы таралуы үшін құтыны пайдаланғанда оның ұшын жоғары қаратып, тігінен ұстау керек. Құтының ұшынәр мұрын жолына кезегімен орналастырады да, бүріккішті қатты бір рет басады. Бүрку кезінде ауаны мұрынмен ішке тарта тыныстайды.

Препаратты 5-7 күн қолдану керек.

Жағымсыз әсерлері

Төменде көрсетілген ықтимал жағымсыз әсерлерінің жиілігі былайша анықталады:

Жиі (> 1/100 <1/10 дейін):

- мұрын шырышты қабығының ашуы және құрғауы, түшкіру

Жиі емес (> 1/1000 <1/100 дейін):

- әсері басылғаннан кейін шырышты қабықтың ісінуі, мұрыннан қан кету

- аллергиялық реакциялар (Квинке ісінуі, терінің бөртуі, қышыну)

Сирек (> 1/10 000 <1/1000 дейін):

- жүректің қағуы, тахикардия, гипертония

Өте сирек (<1/10000):

- мазасыздық, ұйқысыздық, шаршау (ұйқышылдық, седация), бас ауыруы, елестеулер (көбіне балаларда)

- жүрек-қантамыр аурулары

- аритмия

- конвульсиялар (атап айтқанда, балаларда)

- бронх түйілуі

Қолдануға болмайтын жағдайлар

- ксилометазолинге немесе препараттың кез келген басқа компонентіне жоғары сезімталдық

- артериялық гипертензия

- тахикардия

- айқын атеросклероз

- глаукома

- атрофиялық ринит

- гипертиреоз

- транссфеноидальді гипосектомия немесе ми қабыршықтарына хирургиялық араласудан кейінгі жай-күйлер

- ми қабыршықтарына хирургиялық араласулар (анамнезде)

- 12 жасқа дейінгі балаларға

- жүктілік және лактация кезеңі

Сақтықпен – қант диабеті кезінде.

Дәрілермен өзара әрекеттесуі

МАО тежегіштерімен (монаминооксидаздар) немесе трициклді антидепрессанттармен бір мезгілде Доктор Тайсс Ринотайсты қабылдаған кезде жүйелі әсер етуі күшеюі мүмкін.

Айрықша нұсқаулар

Доктор Тайсс Ринотайсс препаратын қолданудың мұқият сараланған қаупінен кейін ғана қолдануға болады:

– моноаминооксидаза-тежегіштермен (MAO-тежегіштерімен) және қысымдыпотенциалды жоғарылататын басқа дәрілік препараттармен емделіп жүрген пациенттерге

– көзішілік қысым жоғары болғанда, атап айтқанда жабық бұрышты глаукомада

– қан айналымының бұзылуымен байланысты ауыр жүрек аурулары кезінде (мысалы, жүректің коронарлық ауруы, гипертония)

– феохромоцитома кезінде

– зат алмасуының бұзылуы кезінде (мысалы, гипертиреоз, қант диабеті)

– порфирия кезінде

– простата гиперплазиясы кезінде.

Атап айтқанда, ісінуге қарсы ринологиялық препараттарды ұзақ қолданғанда және артық дозаланғанда олардың әсері төмендейді. Ринологиялық препараттардың мұрын шырышты қабығына шамадан тыс әсерінің салдары ретінде:

– мұрын шырышты қабығының реактивті гиперемиясы (дәрі-дәрмектік ринит)

– шырышты қабықтың атрофиясы.

Мұрынмен тыныс алудың кем дегенде бір бөлігін демеу үшін симпатомиметикалық дәріні бастапқыда бір танауға қолдануды тоқтату керек,симптомдар басылғаннан кейін екінші жағын да қолдануды тоқтату керек.

Ескерту

Доктор Тайсс Ринотайсс препаратының құрамына бензалконий хлориді кіреді. Препаратты ұзақ қолдану мұрын шырышты қабығының ісінуін тудыруы мүмкін. Егер осы секілді реакцияларға күмән болса (мұрынның ұзақ бітелуі), қажет – егер мұндай мүмкіндік болса – құрамында консерванттар жоқ тұмауға қарсы дәрілік затты пайдалану керек.

Ксилометазолин қабылдайтын QT аралығының ұзару синдромы бар пациенттер, күрделі қарыншалық аритмиялардың жоғары қаупіне ұшырауы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ксилометазолин жоғары дозаларда көлік құралдарын немесе жабдықтарды басқару қабілетіне әсер етпейді. Жағымсыз әсерлерін ескере отырып, көлікті немесе қауіптілігі зор механизмдерді басқару кезінде сақ болу керек.

Артық дозалануы

Уыттанудың клиникалық бейіні анық болмауы мүмкін, өйткені ОЖЖ стимуляциялау фазасы ОЖЖ бәсеңдету фазаларымен кезек жүреді.

Орталық жүйке жүйесін стимуляциялаудың симптомдары үрейлену, мазасыздық, елестеулер және түйілулер болып табылады.

Дене температурасының төмендеуі, апатия, ұйқышылдық және кома орталық жүйке жүйесінің тежеу симптомдары болып табылады.

Басқа симптомдар білінуі де мүмкін: миоз, мидриаз, қызба, тершеңдік, бозару, цианоз, жүрек айнуы, тахикардия, брадикардия, жүрек аритмиясы,жүрек тоқтауы, гипертония, гипотония, өкпе ісінуі, ентігужәне апноэ.

Артық дозаланған жағдайда, әсіресе балаларда, түйілулермен және комамен, брадикардиямен, апноэ және гипотонияға ауысуы мүмкін гипертониямен бірге жүретін орталық жүйке жүйесі тарапынан болатынжағымсыз әсерлердің басым болуы жиі бақыланады.

Емі:

Ауыр артық дозаланудағы ем қарқынды емдеу палатасында жүзеге асырылуы тиіс. Белсендірілген көмір (абсорбент), натрий сульфатын (іш жүргізетін) тағайындау немесе асқазанды шаю (жоғарырақдозаларында) дереу жүргізілуі тиіс, өйткені ксилометазолиннің сіңуібарынша жылдам жүруі мүмкін. Артериялық қысымды төмендету үшін селективті емес альфа-тежегіш тағайындалуы мүмкін.

Артық дозаланғанда тамыр тарылтатын препараттар қарсы көрсетілімде. Қажет болғанда ыстық түсіретін, құрысуға қарсы ем және өкпені жасанды вентиляциялау жүргізіледі.

Шығарылу түрі мен қаптамасы

10 мл-ден полиэтилен және полипропиленнен жасалған бүріккіш құрылғысы және бұрандалы қақпағы бар III типті қоңыр шыны құтыда.

Құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

Жарықтан қорғалған жерде, тығыз жабылған қаптамада, 25⁰С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптама алғаш ашылғаннан кейін – 4 аптадан аспауы тиіс.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Др. Тайсс Натурварен ГмбХ,

Мишелинштрассе 10,

66424 Хомбург, Германия

Тіркеу куәлігінің ұстаушысы

Др. Тайсс Натурварен ГмбХ, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Натусана» ЖШС, 050046, Алматы қ., Гайдар к-сі, 198

Тел./факс: 8 (727) 268-31-66

Дәріханалар

Қалалар