Ибуфен Д клубника 100 мг/ 5 мл 120 мл суспензия для приема внутрь
Тауарлардың көрінісі фотосуретте көрсетілгеннен өзгеше болуы мүмкін

Ибуфен Д клубника 100 мг/ 5 мл 120 мл суспензия для приема внутрь

1238
Қолжетімділігі
Сатылымда бар
Үлгі
5907529447147
Елі
Польша
Өндіруші
Польфарма
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Ибуфен Д

Халықаралық патенттелмеген атауы

Ибупрофен

Дәрілік түрі, дозалануы

Ішуге арналған суспензия, 100 мг/5 мл

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылының туындылары. Ибупрофен.

АТХ коды M01AE01

Қолданылуы

Мына жағдайлардағы шығу тегі әртүрлі дене температурасының жоғарылауында:

  • суық тию ауруларында
  • жедел респираторлы вирустық инфекцияларда
  • тұмауда
  • дене температурасының жоғарылауымен қатар жүретін балалар инфекциясында
  • екпеден кейінгі реакцияларда
  • құлақ ауыруында (ортаңғы құлақтағы қабыну үдерісінде)
  • тіс ауырғанда
  • тіс жарып шыққандағы ауыруда
  • бас ауыруында, бас сақинасында
  • созылу кезіндегі ауыруларда және ауырудың басқа түрлерінде

Мына жағдайлардағы әлсіз және орташа қарқындылықтағы шығу тегі әртүрлі ауыру синдромында:

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

  • ибупрофенге немесе препараттың басқа компоненттеріне, сондай-ақ басқа да қабынуға қарсы стероидты емес препараттарға жоғары сезімталдық
  • ацетилсалицил қышқылын (салицилаттар) немесе басқа ҚҚСП қабылдау түрткі болған бронх демікпесі, есекжем, ринит
  • циклооксигеназа-2-нің спецификалық тежегіштерін қоса басқа ҚҚСП бір уақытта қолдану
  • асқазан-ішек жолының ойық жаралы зақымдануы (асқазанның және он екі елі ішектің ойық жаралы ауруы, ойық жаралы колит)
  • асқазан-ішектен қан кету
  • анамнезінде ҚҚСП емдеумен байланысты асқазан-ішектен қан кетудің немесе тесілуінің болуы
  • геморрагиялық васкулит
  • қан аурулары (қан кетуге бейімділік, гемофилия, гипокоагуляция)
  • бауыр немесе бүйректің ауыр жеткіліксіздігі
  • жүректің ауыр жеткіліксіздігі (Нью-Йорк кардиологтар қауымдастығының NYHA-жіктелуі бойынша IV класы)
  • тұқым қуалайтын фруктоза жақпаушылығы
  • жүктіліктің III триместрі
  • 3 айға дейінгі балаларға

Қолдану кезінде қажетті сақтық шаралары

Егер симптомдарды қайтаруға қажетті қысқа уақыт ішінде ең аз тиімді дозаны пайдаланса, жағымсыз әсерлердің пайда болу қаупін төмендетуге болады.

Төмендегі пациенттерде препаратты қолданған кезде сақ болу керек:

- анамнезінде әсіресе қан кетумен немесе тесілумен асқынған ойық жаралы ауруы бар, сондай-ақ егде жастағы адамдарда. Бұл пациенттер ең төменгі тиімді дозаны қабылдауы тиіс

- кортикостероидтар, ұюға қарсы препараттар (варфарин), серотонинді кері қармайтын селективті тежегіштер немесе антиагреганттар (ацетилсалицил қышқылы) сияқты басқа дәрілік препараттарды бір уақытта қабылдайтын

- бауыр және бүйрек аурулары бар

- анамнезінде бронх демікпесі бар

- ішектің созылмалы қабыну аурулары бар (спецификалық емес ойық жаралы колит, Крон ауруы)

- жүйелі қызыл жегі және дәнекер тіндердің басқа да аурулары бар

- анамнезінде артериялық гипертензиясы және (немесе) жүрек жеткіліксіздігі бар

- инфекциямен - төмендегі «Инфекция» тақырыбын «Арнайы ескертулер» бөлімінен қараңыз.

Эксфолиативті дерматитті, Стивенс-Джонсон синдромын және уытты эпидермальді некролизді қоса, кейбіреулері өліммен аяқталған күрделі тері реакциялары ҚҚСП пайдаланумен байланысты сирек хабарланады. Пациенттер емдеудің алғашқы айында көп жағдайларда пайда болатын емнің ерте сатыларында осы реакциялардың ең жоғары қаупіне ұшырайды. Құрамында ибупрофен бар препараттарға қатысты жедел жайылған экзантематозды пустулез (AGEP) туралы хабарланды. Ибуфен Д тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері сияқты күрделі тері реакцияларының белгілері мен симптомдары алғаш пайда болғанда тоқтатылуы керек.

Ерекше жағдайларда, желшешек тері мен жұмсақ тіндердің тарапынан күрделі инфекциялық асқынулардың себебі болуы мүмкін. Қазіргі уақытта мұндай инфекциялардың асқынуындағы ҚҚСП рөлін жоққа шығаруға болмайды. Осыған байланысты желшешек кезінде ибупрофенді қолданудан аулақ болу ұсынылады.

Ибупрофенді қолданғанда уытты амблиопияның бірлі-жарым жағдайлары байқалған.

Сусызданған балалар мен жасөспірімдерде бүйрек функциясының бұзылу қаупі бар.

Ибупрофен, ҚҚСП тобының басқа препараттары сияқты, инфекциялық аурулардың симптомдарын бүркемелеуі мүмкін.

Ибупрофен сияқты қабынуға қарсы/ауыруды басатын дәрілік заттарды қабылдау, әсіресе жоғары дозаларда қабылдағанда, жүрек ұстамасының немесе инсульттің даму қаупінің елеусіз жоғарылауымен қатар жүруі мүмкін. Ұсынылған дозалар мен емдеу ұзақтығын арттырмаған жөн. Ибуфен Д препаратын қабылдар алдында емдеуді дәрігермен немесе фармацевтпен талқылау керек егер пациентте:

- жүрек аурулары диагностикаланған болса, оның ішінде жүрек жеткіліксіздігі (NYHA II-III класы), стенокардия (кеуденің ауыруы), сондай-ақ егер пациент бұрын инфаркт, коронарлық қантамырларға операция жасалса, кез-келген түрдегі инсульт (соның ішінде «мини-инсульт» немесе транзиторлы ишемиялық шабуыл «ТИА») немесе пациентте шеткері артериялар ауруы бар болса (артериялардың тарылуы немесе бітелуі салдарынан табандағы нашар айналым);

- бақыланбайтын жоғары қан қысымы, қант диабеті, қандағы холестерин деңгейі жоғары, жүрек ауруы немесе отбасы мүшелерінде инсульт немесе пациент темекі шегетін болса.

Басқа дәрілікпрепараттармен өзара әрекеттесуі

Ибуфен Д препаратын (ҚҚСП тобының басқа да дәрілік заттары сияқты) бір мезгілде қолдануға болмайды:

  • ацетилсалицил қышқылымен: дәрігер тағайындаған төмен дозаларды қоспағанда (тәулігіне 75 мг артық емес), өйткені бірлесіп қолдану жағымсыз әсерлердің туындау қаупін арттыруы мүмкін
  • басқа да ҚҚСП, әсіресе циклооксигеназа-2-нің селективтік тежегіштері: бір немесе одан да көп ҚҚСП бір мезгілде қолданудан аулақ болу керек, себебі бұл жағымсыз әсерлердің пайда болу қаупін арттыруы мүмкін.
  • антигипертензивті препараттармен: себебі олардың тиімділігі төмендейді
  • диуретиктермен: себебі олар ҚҚСП нефроуытты әсерін арттыруы мүмкін
  • антикоагулянттармен: ҚҚСП-мен тағайындаған кезде варфарин сияқты қан ұюын төмендететін препараттар әсерінің күшеюі
  • литий және метотрексатпен, фенитоинмен, жүрек гликозидтерімен: ҚҚСП плазмада бұл препараттардың концентрациясын арттыруы мүмкін (сарысуда оларды мезгіл-мезгіл бақылау ұсынылады)
  • зидовудинмен: бір мезгілде ибупрофенмен және зидовудинмен емделген пациенттерде қан кету уақытының артуы туралы деректер бар
  • антиагреганттық дәрілік препараттармен және серотонинді кері қармайтын селективті тежегіштерімен (СКҚСТ), кортикостероидтармен: асқазан-ішектен қан кету дамуының қаупі жоғарылауы мүмкін
  • мифепристонмен: мифепристонды қабылдағаннан кейін ҚҚСП 8-12 күн бойы қолдануға болмайды, себебі ҚҚСП оның әсерін әлсіретуі мүмкін
  • такролимуспен, циклоспоринмен: бұл препараттарды бір мезгілде қолданғанда нефроуытты әсерінің қаупі артады
  • хинолонды антибиотиктермен: ҚҚСП және хинолондарды біріктіріп қабылдаған пациенттер құрысулар пайда болу қаупіне ұшырауы мүмкін
  • ритонавирмен: ҚҚСП плазмалық концентрациясының жоғарылауы
  • аминогликозидті антибиотиктермен: ҚҚСП аминогликозидтердің шығарылуын азайтуы мүмкін
  • диабетті емдеуге арналған пероральді дәрілермен: сульфонилмочевина туындылары метаболизмінің төмендеуі, жартылай шығарылу кезеңінің ұзаруы және гипогликемия қаупінің артуы мүмкін
  • провенецидпен және сульфинпиразонмен: ибупрофен шығарылуын баяулатуы мүмкін
  • холестираминмен: ибупрофен сіңірілуінің дәрежесін баяулатады немесе азайтады (25%). Осыған байланысты ибупрофенді холестирамин қабылдағаннан кейін кемінде бір сағат бұрын немесе кемінде 4-6 сағаттан кейін тағайындау ұсынылады.
  • вориконазолмен немесе флуконазолмен: вориконазол мен флуконазолды (CYP2C9 тежегіштері) бір мезгілде қолданған кезде S(+)-ибупрофен экспозициясының шамамен 80-100%-ға жоғарылауы байқалды. CYP2C9 күшті тежегіштерімен бір мезгілде тағайындалған кезде, әсіресе препарат вориконазол немесе флуконазолмен жоғары дозаларда тағайындалған жағдайларда, ибупрофен дозасын төмендету қажеттігін қарастыру керек.

Бір мезгілде қолданғанда сақ болу қажет:

Арнайы сақтандырулар

Инфекциялар

Ибуфен Д қызба және ауыру сияқты инфекция белгілерін жасыра алады. Сондықтан Ибуфен Д препаратын қолдану инфекцияның қажетті емін кешіктіріп, сол арқылы асқыну қаупін арттыруы мүмкін. Бұл бактериялық пневмонияда және желшешек ауруы бар бактериялық тері инфекцияларында байқалды. Егер пациент осы препаратты инфекциялық ауру кезінде қабылдаса және оның симптомдары сақталса немесе нашарласа, дереу дәрігермен кеңесу керек.

Қосымша заттар

Ибуфен Д құрамында сұйық мальтитол (E 965) бар, соған байланысты препаратты сирек тұқым қуалайтын фруктоза көтере алмаушылық бар пациенттерде қолдануға болмайды.

Ибуфен Д құрамында 1 мл суспензияда 1,89 мг натрий бар (5 мл-де 9,44 мг натрий), бұл диетадағы натрий құрамын бақылайтын пациенттерде назарға алынуы керек.

Фертильділік, жүктілік және лактация кезеңі

Циклооксигеназа / простагландин тежегіштері овуляцияға әсер ете отырып, әйелдерде фертильділікті төмендететіні туралы жеке мәліметтер бар.

Ибупрофенді жүктілік кезінде әйелдерде қолдану қауіпсіздігіне қатысты ақпараттың жоқтығы салдарынан ибупрофенді жүктіліктің бірінші және екінші триместрінде қолдану ұсынылмайды. Ибупрофенді жүктіліктің III триместрінде қолдануға болмайды, себебі бұл артериялық түтіктің мерзімінен бұрын жабылуына ықпал етеді және жаңа туған нәрестеде өкпе гипертензиясын туғызуы мүмкін, босану әрекетін ұзартады, ана мен балада қан кету қаупін арттырады.

Ибупрофен өте төмен концентрацияларда емшек сүтіне өтеді. Препаратты қысқа мерзімде қолданғанда бала емізуді тоқтату қажеттілігі туындамайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозада көлікті басқару қабілетіне және емдеу ұзақтығына әсер етуі күтілмейді.

Қолдану жөніндегі нұсқаулар

Қолдану тәсілі

Тамақтан кейін, сұйықтықпен іше отырып, ішке қабылдайды.

Қолданар алдында біртекті суспензияны алғанға дейін шайқау керек.

Препарат дозасы 6-8 сағат аралықпен қолданылады (немесе қажет болса, кем дегенде қабылдау арасында 4 сағаттық аралық сақталуы керек).

Препарат симптоматикалық емдеуге арналған. Симптомдарды жеңілдету үшін қажетті ең қысқа кезең ішінде ең төмен тиімді дозаны қолдану керек. Егер сізде инфекциялық ауру болса және оның симптомдары (мысалы, қызба және ауыру) сақталса немесе нашарласа, дереу дәрігермен кеңесіңіз («Арнайы сақтандырулар» бөлімін қараңыз).

Егер препаратты симптомдарды жою үшін қажетті ең аз тиімді дозада қысқа уақыт ішінде қабылдаса, жағымсыз әсерлердің туындау қаупін барынша азайтуға болады.

1 жасқа дейінгі балаларға препаратты дәрігерден кеңес алғаннан кейін оның ұсынымдарына сәйкес қолдануға болады. Медициналық көмекке мына жастағы балалардың жүгінгендері жөн:

  • 3-6 ай - баланың жағдайы нашарлаған жағдайда (егер симптомдары жалғасса, 24 сағаттан кешіктірмей);
  • 6 айдан асқан - баланың жағдайы нашарлаған жағдайда (егер симптомдары жалғаса берсе, 3 тәуліктен кешіктірмей).

Дозалары

Препараттың тәуліктік дозасы бөлінген дозаларда дене салмағының 20-30 мг/кг құрайды. Ұсынылатын дозалау сызбасы:

Ауырсыну синдромы және дене температурасының жоғарылауы

Балаларға мынадай жаста:

3 айдан 6 айға дейін (5 кг-дан 7,6 кг дейін) - 2,5 мл-ден тәулігіне 3 рет (тәулігіне 150 мг ибупрофеннен артық емес)

6 айдан 12 айға дейін (7,7 кг-дан 9 кг дейін) - 2,5 мл-ден тәулігіне 3-4 рет (тәулігіне 200 мг ибупрофеннен артық емес)

1-ден 3 жасқа дейін (10 кг-дан 15 кг дейін) - 5 мл-ден тәулігіне 3 рет (тәулігіне 300 мг ибупрофеннен артық емес)

4-тен 6 жасқа дейін (16 кг-дан 20 кг-ға дейін) - 7,5 мл-ден тәулігіне 3 рет (тәулігіне 450 мг ибупрофеннен артық емес)

7-ден 9 жасқа дейін (21 кг-дан 29 кг дейін) - 10 мл-ден тәулігіне 3 рет (тәулігіне 600 мг ибупрофеннен артық емес)

10-нан 12 жасқа дейін (30 кг-дан 40 кг дейін) - 15 мл-ден тәулігіне 3 рет (тәулігіне 900 мг ибупрофеннен артық емес)

Вакцинациядан кейін дене қызуының көтерілуі

Бір рет 2,5 мл суспензия тағайындайды, қажет болған жағдайда дозаны 6 сағаттан соң қайталауға болады. 24 сағат ішінде 2,5 мл суспензиядан екі дозадан артық қабылдауға болмайды. Егер температура түспесе, дәрігерге қаралу керек.

Препараттың ұсынылған дозасынан асыруға болмайды!

Шприц-дозаторды қолдану жөніндегі нұсқаулық

1. Құтының қақпағын бұрап ашу керек (төмен қарай басып, сағат тілі бағытына қарсы бұрау керек).

2. Дозаторды құтының саңылауына қатты басу керек.

3. Суспензия біртекті болғанға дейін құтыны қатты сілку керек.

4. Дозаторды толтыру үшін, құтыны түбін жоғары қаратып төңкеру керек, содан соң суспензияны өлшегіш шкаладағы қажетті жерге дейін толтыра отырып, дозатордың поршенін төмен қарай абайлап түсіру керек.

5. Құтыны бастапқы қалыпқа төңкеріп, дозаторды абайлап кері бұрай отырып, құтыдан шығару керек.

6. Дозатордың ұштығын баланың аузына салып, содан соң поршеньге баяу баса отырып, дозатор ішіндегісін абайлап қысып шығару керек.

7. Пайдаланғаннан кейін құтыны бұрандалы қақпақпен жабу керек, ал дозаторды шайып, құрғату қажет.

Артық дозалану жағдайында қабылдау қажет болатын шаралар

Балаларда 400 мг-ден жоғары дозаны бір рет қабылдауартық дозалану симптомдарын туғызуы мүмкін. Ересектерде мұндай симптомдарды туғыза алатын доза нақты анықталмаған. Артық дозалану кезінде жартылай шығарылу кезеңі 1,5-тен 3 сағатқа дейінгі уақытты құрайды.

Симптомдары: іштің ауыруы, жүрек айнуы, құсу, диарея, бас ауыруы, құлақтағы шуыл, АІЖ қан кету. Ауыр уыттану кезінде орталық жүйке жүйесіне әсер етуі мүмкін: ұйқышылдық, қозу, бағдардан жаңылу, құрысулар, метаболизмдік ацидоз, кома. Жедел бүйрек жеткіліксіздігі дамуы, бауыр зақымдалуы, бронх демікпесінің өршуі мүмкін.

Емі: асқазанды шаю (препаратты қабылдағаннан кейін тек бір сағат ішінде), белсендірілген көмірді қабылдау, сілтілі сусын ішу, симптоматикалық және демеуші ем. Қажет болғанда жүрек қызметін және өмірлік маңызы бар функцияларды мониторингілеу керек. Арнайы антидоты жоқ.

Дәрілік препараттың бір немесе бірнеше дозасын жіберіп алғанда қажетті шаралар

Препараттың кезекті дозасын жіберіп алған кезде оны мүмкіндігінше тезірек қабылдау керек. Егер кезекті дозаны қабылдауға аз уақыт қалса, оны жоспарланған уақытта қабылдау керек. Жіберіп алған дозаның орнын толтыру үшін қосарлы дозаны қабылдамаңыз

Дәрілік препаратты қолданар алдында дәрігердің немесе фармацевттің кеңесіне жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі (≥1/100-ден <1/10 дейін)

  • диарея (құрамында мальтитол және глицерин болуы нәтижесінде).
  • аллергиялық реакциялар, есекжем, терінің қышынуы, әртүрлі тері бөртпелері
  • іштің ауыруы, жүрек айнуы, диспепсия, іштің кебуі
  • бас ауыруы.
  • құсу, метеоризм, іштің қатуы
  • бас айналуы, ұйқысыздық, қозу, шаршау сезімі
  • жоғары сезімталдықтың ауыр реакциялары: беттің, тілдің және көмейдің ісінуі, ентігу, тахикардия, артериялық гипотензия (анафилаксия, Квинке ісінуі немесе ауыр шок)
  • ашушаңдық
  • бронх демікпесінің өршуі, бронх түйілуі, ентігу және ысқырып дем алу
  • көрудің бұзылуы
  • құлақтың шуылдауы, вертиго
  • ісінулер, артериялық гипертензия және қабынуға қарсы стероидты емес препараттар (ҚҚСП) тобының препараттарын қабылдаумен байланысты жүрек жеткіліксіздігі)
  • пептикалық ойық жара, ойық жараның тесілуі немесе асқазан-ішек жолынан қан кету, мелена, қан құсу (әсіресе егде жастағы пациенттерде кейде өлімге әкелетін), ойық жаралы стоматит, гастрит, ойық жаралы колиттің және Крон ауруыныңөршуі
  • бүйректің жедел жеткіліксіздігі, қан сарысуындағы мочевинаның жоғарылауымен және ісінулермен астасқан папиллонекроз (әсіресе ұзақ қабылдағанда), гематурия, интерстициальді нефрит, нефроздық синдром, протеинурия
  • гематокрит және гемоглобиннің төмендеуі, қан түзудің бұзылуы (анемия, лейкопения, тромбоцитопения, панцитопения, агранулоцитоз). Алғашқы симптомдар: қызба, тамақтың ауыруы, ауыз қуысындағы беткейлік ойық жаралар, тұмау тәрізді симптомдар, айқын әлсіздік, түсініксіз қан кету және қанталаулардың пайда болуы болып табылады
  • бауыр функциясының бұзылуы

Жиі емес (³ 1/1000-нан < 1/100 дейін)

Сирек (³ 1/10000-нан< 1/1000 дейін)

Өте сирек (³ 1/10000-нан < 1/1000 дейін)

  • көп формалы эритеманы, уытты эпидермальді некролизді, Стивенс-Джонсон синдромын қоса буллездік реакциялар сияқты тері реакцияларының ауыр түрлері дамуы мүмкін
  • асептикалық менингит.
  • алдында аутоиммундық бұзылулары бар пациенттерде (жүйелі қызыл жегі, дәнекер тінінің аралас ауруы) ибупрофенмен емдеген кезде желке бұлшықеттерінің сіресуі, бас ауыруы, жүрек айнуы, құсу, қызба немесе бағдардан жаңылу сияқты асептикалық менингит симптомдары байқалған
  • депрессия, психоздық реакциялар
  • DRESS синдромы ретінде белгілі күшті тері тітіркенуі туындауы мүмкін. DRESS симптомдарына: тері бөртпесі, қызба, лимфа түйіндерінің ісінуі және эозинофилдердің көбеюі (ақ қан жасушаларының түрі) жатады.
  • жедел жайылған экзантематозды пустулез (AGEP).

Бірлі-жарым жағдайлар

Жиілігі белгісіз

Ибупрофенді жоғары дозаларда қолдану кезіндегі деректер бар: тәулігіне 2400 мг және оны ұзақ уақыт қабылдау артерия тромбозы (мысалы, миокард инфаркті немесе инсульт) эпизодтары қаупінің азғана жоғарылауымен астасуы мүмкін.

Жағымсыз әсерлер пайда болған кезде препаратты қолдануды тоқтату керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

100 мл суспензияның құрамында

белсенді зат - 2.000 г ибупрофен

қосымша заттар: гипромеллоза, ксантан шайыры, глицерин, натрий бензоаты, сұйық мальтитол, натрий цитраты, лимон қышқылының моногидраты, натрий сахаринаты, натрий хлориді, құлпынай хош иістендіргіші, тазартылған су.

Сыртқы түрінің, иісінің, дәмінің сипаттамасы

Құлпынайдың иісі бар, біртекті дисперсиялы, ақ немесе ақ дерлік түсті суспензия.

Шығарылу түрі және қаптамасы

100 мл немесе 120 мл-ден адаптері бар, «алғашқы ашу» кепілдік сақинасымен және балалардың сауытты ашуына кедергі келтіретін қауіпсіздік құрылғысымен бұралатын полиэтилен қақпақпен жабылған ПЭТФ жасалған құтыларда. Әрбір құтыға заттаңба жапсырылады.

1 құтыдан қолдану жөніндегі қазақ және орыс тілдеріндегі нұсқаулықпен және дозалаушы шприцпен картон қорапшаға салынады.

Сақтау мерзімі

3 жыл

Бірінші қаптамасын ашқаннан кейінгі сақтау мерзімі - 6 ай.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғау мақсатында түпнұсқалық қаптамасында 25 °С аспайтын температурада сақтау керек. Тығыз жабылған құтыда сақтаңыз.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Медана Фарма» АҚ

В. Локетка к-сі. 10, 98-200 Серадз, Польша

Телефон нөмірі +48 43 827 10 31

Факс нөмірі +48 43 827 12 00

Электронды пошта: medana@medana.pl

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ-сы, Рашидов к-сі, 81,

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта: infomed@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта: complaints@santo.kz; phv@santo.kz

Дәріханалар

Тауар артығымен бар
Тауар аз қалды
Аптека №57
Демьяна бедного 3
Круглосуточно
Аптека № 241
ул. Назарбаева 76
08 00-20 00
Аптека № 58, Алматы, (Акбулак)
мкр Акбулак, ул.Хан Шатыр 273
00:00 - 23:59
Аптека №206, Алматы, (ТРЦ "АПОРТ")
ул.Райымбека
10:00-22:00
Аптека № 81, Алматы, (Магнум Абая)
Абая угол Момышулы, ТД Магнум
Круглосуточно
Аптека № 74, Алматы, (Самал 1)
Самал-2, ул.Мендикулова 35 уг.ул.Аль-фараби
Круглосуточно
Аптека №49
г.Алматы, Наурызбайский р-н, мкр. Калкаман 2 а
09 00- 21 00
Аптека № 142, Алматы, (Абая Манаса)
улица Абая 60 угол Манаса.
Круглосуточно
Аптека № 91, Алматы, (Магнум Думан)
мкр. Думан, ТД Магнум
круглосуточно
Аптека №260, Алматы, (Алтынсарин)
11-й микрорайон, 26 / Алтынсарина проспект, 26
08:00-22:00
Аптека №175, Алматы, (Магнум Первомайка)
п. Первомайка тр.Алматы- Капчагай в ТД Магнум
Круглосуточно
Аптека №34 ПТ Алматы (Айнабулак)
мкр. Айнабулак 3 ул.Жумабаева д 98А
09:00-21:00
Аптека №132 Алматы, (ул.Б.Майлина 2)          
г.Алматы, ул.Б.Майлина 2
Круглосуточно
Аптека №205, Алматы, (АДК)
ул. Сатпаева 90
10:00 до 22:00
Аптека №294
Алматы ,Кульджинский тракт, 14,
круглосуточно
Аптека №263, Алматы, (Жандосова)
Жандосова 162А.
09:00-18:00
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека №94, Алматы, (ЖК Евразия)
ул.Масанчи, д.23/12 (ЖК Евразия)
09:00-22:00
Аптека №223
ул.Сейфуллина 182
09:00 до 22:00
Аптека №222
ул. Розыбакиева 33/1 ТК "Оптовка" магазин №3/8
08:00 до 20:00
Аптека №108 ПТ Алматы, (пр.Достык)
г.Алматы, Медеуский район, пр.Достык 248а
7:00 до 21:00
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно
Аптека №234
ТД "Мерей" Райымбек батыры/Суюнбая
8:00-22:00
Аптека № 83, Алматы, (Сейфулина Калинина)
ул.Сейфуллина 510, выше Калинина
Круглосуточно