Найз 100 мг № 20 табл
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Найз 100 мг № 20 табл

940
Қолжетімділігі
Сатылымда бар
Үлгі
8901148232136
Елі
Индия
Өндіруші
Dr.Reddy`s Laboratories L
0-0-4 бөліп төлеу
235 x 4 ай
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық

(Қосымша-парақ)

Саудалық атауы

Найз®

Халықаралық патенттелмеген атауы

Нимесулид

Дәрілік түрі

Таблеткалар 100 мг

Құрамы

Бір таблетканың құрамында

белсенді зат – 100 мг нимесулид

қосымша заттар: кальций гидрофосфаты, микрокристалды целлюлоза (114 дәрежелі), жүгері крахмалы, натрий крахмалы гликоляты (А типі), магний стеараты, коллоидты кремнийдің қостотығы, тазартылған тальк

Сипаттамасы

Дөңгелек, екі беті дөңес пішінді және беті тегіс, ақтан сарғыштау реңді дерлік ақ түске дейінгі таблеткалар

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Қабынуға қарсы және ревматизмге қарсы стероидты емес басқа препараттар. Нимесулид.

АТХ коды М01АХ17

Фармакологиялық қасиеттері

Фармакокинетикасы

Ішке қабылдағандағы сіңірілуі - жоғары. Ас ішу оның дәрежесіне әсер етпей, сіңірілу жылдамдығын төмендетеді. Белсенді затының қан плазмасындағы ең жоғарғы концентрациясына жету уақыты - 1,5 - 2,5 сағат. Плазма ақуыздарымен байланысуы 95%, эритроциттермен – 2%,липопротеиндермен – 1%, қышқыл альфа1-гликопротеидтермен 1% құрайды. Препараттың дозасы оның қан ақуыздарымен байланысу дәрежесіне әсер етпейді. Нимесулидтің қан плазмасындағы ең жоғарғы концентрациясы 3,5 – 6,5 мг/л жетеді. Таралу көлемі: 0,19 – 0,35 л/кг. Әйелдердің жыныс мүшелерінің тіндеріне өтеді, ол жерде оның бір рет қабылдағаннан кейінгі концентрациясы плазмадағы концентрациясының 40%-ына жуық. Қабыну ошағының қышқылды ортасына (40%), синовиальді сұйықтыққа (43%) жақсы енеді. Гисто-гематикалық бөгеттер арқылы оңай өтеді. Бауырда тіндік монооксигеназалармен метаболизденеді. Негізгі метаболиті – 4-гидроксинимесулидтің (25%) фармакологиялық белсенділігі ұқсас.

Нимесулидтің жартылай шығарылу кезеңі 1,56 – 4,95 сағатты, 4-гидроксинимесулидте – 2,89 - 4,78 сағатты құрайды. 4-гидроксинимесулид бүйрекпен (65%) және өтпен (35%) шығарылады.

Бүйрек жеткіліксіздігі бар науқастарда (креатинин клиренсі 1,8 - 4,8 л/сағат немесе 30-80 мл/мин), сондай-ақ балалар мен егде жастағы тұлғаларда нимесулидтің фармакокинетикалық профилі айтарлықтай өзгермейді.

Фармакодинамикасы

Сульфонанилидтер класының қабынуға қарсы стероидты емес препараты (ҚҚСП). Ісіну, қабыну және ауыру медиаторлары - простагландиндердің синтезіне қатысатын фермент - циклооксигеназа-2 (ЦОГ-2) селективті бәсекелес тежегіші болып табылады. Қабынуға қарсы, ауыруды басатын, және ыстықты түсіретін әсер береді. Қабыну ошағындағы және жұлынның ауыру импульстерінің өту жолдарын қоса, ноцицептивті жүйенің өрлеу жолдарындағы простагландин Е2 түзілуін қайтымды тежейді. Тіршілік мерзімі қысқа простагландин Н2 концентрациясын төмендетеді, одан простагландин-изомеразаның әсерінен простагландин Е2 түзіледі. Е2 простагландин концентрациясының азаюы ЕР типті простаноидтық рецепторлардың белсенділену дәрежесінің төмендеуіне алып келеді, бұл ауыруды басатын және қабынуға қарсы әсерлерінен көрінеді. Елеусіз дәрежеде ЦОГ-1-ге әсер етеді, простагландин Е2 арахидон қышқылынан физиологиялық жағдайларда түзілуіне мүлдем кедергі келтірмейді, соның арқасында препараттың жағымсыз әсерлерінің саны төмендейді. Цитокининдердің түзілуіне негіз болатын α ісіктер некрозы факторының босап шығуын тежейді.Нимесулидтің интерлейкин-6 және урокиназа синтезін бәсеңдетуге қабілетті екені, сол арқылы шеміршек тінінің бұзылуына кедергі жасайтыны көрсетілген. Металлопротеазалардың (эластаза, коллагеназа) синтезін тежейді, протеогликандар мен шеміршек тіні коллагенінің ыдырауын болдырмайды. Глюкокортикоидтық рецепторлармен өзара әрекеттеседі, оларды фосфорлану арқылы белсендіреді, және бұл препараттың қабынуға қарсы әсерін күшейтеді.

Қолданылуы

- қатты ауыруды емдеуде

- бастапқы дисменореяда

Найзды® тек екінші желілі препарат ретінде ғана тағайындау керек.

Нимесулидпен емдеу туралы шешім белгілі бір пациенттегі барлық қауіптерге баға берудің негізінде қабылдануы тиіс.

Қолдану тәсілі және дозалары

Ересектерге: ішке тамақтан кейін тәулігіне 2 рет 1 таблеткадан (100 мг). Ересектерге арналған ең жоғарғы тәуліктік дозасы - 200 мг. Емдеу курсының ұзақтығы 5 күннен аспайды.

Таблеткаларды жеткілікті мөлшердегі сумен қабылдайды.

Жағымсыз әсерлері

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100 < 1/10 дейін),

жиі емес (≥1/1000 < 1/100 дейін), сирек (≥ 1/10000 < 1/1000 дейін), өте сирек (< 1/10000).

жиі (≥1/100 < 1/10 дейін):

-диарея, жүрек айнуы, құсу (қан құсу, ойықжаралы стоматит)

- бауыр ферменттері деңгейінің жоғарылауы, колиттің және Крон ауруының өршуі

жиі емес (≥1/1000 < 1/100 дейін):

- бас айналуы

- гипертензия, жүрек жеткіліксіздігі

- ентігу

- іш қатуы, метеоризм, гастрит

- қышыну, бөртпе, қатты терлеу

- ісінулер

сирек (≥ 1/10000, < 1/1000 дейін):

- анемия, эозинофилия

- жоғары сезімталдық

- гиперкалиемия

- қорқыныш сезімі, күйгелектік, шым-шытырық түс көрулер

- анық көрмеу

- тахикардия

- геморрагия, артериялық қысымның құбылмалылығы, ысынулар

- эритема, дерматит

- дизурия, гематурия, несеп шығарудың іркілуі

- әлсіздік, астения

өте сирек (< 1/10000):

- тромбоцитопения, панцитопения, пурпура

- анафилаксия

- бас ауыруы, ұйқышылдық, энцефалопатия (Рейе синдромы)

- вертиго

- көру бұзылыстары

- демікпе, бронх түйілуі

- іштің ауыруы, диспепсия, стоматит, қарамай тәрізді нәжіс, асқазан-ішектен қан кету, 12 елі ішектің ойық жарасы және тесілуі, асқазанның ойық жарасы және тесілуі

- миокард инфаркті емесе инсульт

- гепатит, шұғыл гепатит (өліммен аяқталғандарын қоса, сарғаю, холестаз

- есекжем, ангионевроздық ісіну, беттің ісінуі, көптүрлі эритема, Стивенс-Джонсон синдромы, уытты эпидермальді некролиз

- бүйрек жеткіліксіздігі, олигурия, интерстициальді нефрит

- гипотермия

Егер Сізде осы нұсқаулықта көрсетілмеген қандай да бір жағымсыз әсерлер көрініс тапса немесе айтылған жағымсыз әсерлердің қандай да бірі өте айқын көрінсе дәрігерге қаралуыңыз керек.

Қолдануға болмайтын жағдайлар

- нимесулидке немесе препараттың қосымша заттарының біреуіне жоғары сезімталдық

- ацетилсалицил қышқылын немесе басқа қабынуға қарсы стероидты емес препараттарды қабылдаумен байланысты бұрын орын алған гиперергиялық реакциялар (мысалы бронх түйілуі, ринит, есекжем)

- анамнезде бұрын орын алған нимесулидке гепатоуытты реакциялар

- гепатоуыттылығы зор басқа заттарды қатарлас қабылдау

- маскүнемдік, есірткіге тәуелділік

- асқазанның немесе он екі елі ішектің өршу сатысындағы ойық жарасы, анамнезінде асқазан-ішек жолында ойық жараның, тесілудің немесе қан кетудің болуы

- анамнезінде цереброваскулярлық қан кетулердің немесе басқа да қан құйылулардың, сондай-ақ қанкетумен қатар жүретін басқа да аурулардың болуы

- қан ұюының елеулі бұзылулары

- жүректің елеулі жеткіліксіздігі

- бүйректің елеулі жеткіліксіздігі (креатинин клиренсі 30 мл/мин)

- бауыр жеткіліксіздігі

- суық тию немесе тұмау симптомдары бар пациенттер

- тұқым қуалайтын фруктоза жақпаушылығы, глюкоза-галактоза мальабсорбциясы, сахараза-изомальтоза жеткіліксіздігі

- бауыр аурулары және бауыр ферменттері жоғарылауы

- 18 жасқа дейінгі балалар

- жүктілік және лактация кезеңі

Дәрілермен өзара әрекеттесуі

Нимесулидті кортикостероидтармен, антитромбоцитарлық дәрілермен және серотонинді кері қармаудың селективті тежегіштерімен (SSRIs) бір мезгілде қабылдау асқазан-ішектік ойық жараның немесе қан кетудің туындау қаупін арттырады.

Варфаринді немесе соған ұқсас антикоагулянттарды, сондай-ақ ацетилсалицил қышқылын қолданып жүрген пациенттерде, Нимесулидпен бір мезгілде қолданғанда қан кетулердің туындау қаупі жоғары болады. Сондықтан мұндай біріктірілімі ұсынылмайды, ал қан ұюы бұзылуының ауыр түрлерінде ол қарсы көрсетілімді. Егер мұндай біріктірілімді қолдану аса қажет болса, қанның ұю жүйесінің жағдайын ұдайы бақылап отыру қажет.

Нимесулид диуретиктердің және басқа антигипертензиялық препараттардың әсерін төмендетуі мүмкін. Бүйрек функциясының бұзылуы бар кейбір пациенттерде Нимесулид пен АӨФ тежегіштерін, ангиотензин II антагонистерін немесе циклооксигеназа жүйесін бәсеңдететін заттарды бірге тағайындағанда ары қарай бүйрек функциясы нашарлауы және бүйректің жедел жеткіліксіздігі туындауы мүмкін, бұл әдетте қайтымды болып келеді. Сондықтан бұл препараттарды, әсіресе егде жастағы пациенттер үшін бірге қабылдағанда сақ болу керек. Пациенттер жеткілікті дәрежеде сұйықтық қабылдауы тиіс, ал біріктірілген ем басталғаннан кейін бүйрек функциясын мұқият бақылауға алу керек.

Нимесулид фуросемидтің диуретикалық әсерін және натрийдің, және азғантай дәрежеде — калийдің шығарылуын уақытша төмендетуі мүмкін, сондықтан нимесулид пен фуросемидті бүйрек немесе жүрек функциясының бұзылуы бар пациенттерге бір мезгілде қолданғанда ерекше сақтық таныту керек. Нимесулид пен фуросемидті бірге қабылдау фуросемидтің "Концентрация - уақыт" (AUC) қисығы астындағы ауданының азаюына (шамамен 20%-ға) және фуросемидтің жинақталып шығарылуының фуросемид клиренсінің өзгеруінсіз төмендеуіне алып келеді.

Нимесулид литий клиренсін азайтуы мүмкін, бұл қан плазмасындағы литий деңгейінің және оның уыттылығының артуына алып келеді.Нимесулидті литий препараттарымен ем қабылдап жүрген пациенттерге тағайындағанда, плазмадағы литий деңгейіне жиі бақылау жүргізіп отыру керек.

Глибенкламидпен, теофиллинмен, варфаринмен, дигоксинмен, циметидинмен және антацидтік препараттармен бір мезгілде қолданғанда клиникалық маңызды өзара әрекеттесулері байқалмаған.

Нимесулид CYP2C9 ферментінің белсенділігін бәсеңдетеді. Бұл ферменттің субстраттары болып табылатын дәрілерді Нимесулидпен бір мезгілде қабылдағанда, аталған препараттардың плазмадағы концентрациясы жоғарылауы мүмкін.

Нимесулид метотрексатты қабылдағанға дейін кемінде 24 сағат бұрын немесе қабылдағаннан кейін кемінде 24 сағаттан соң тағайындалса, сақ болу қажет, өйткені мұндай жағдайларда метотрексаттың плазмадағы деңгейі және сәйкесінше, аталған препараттың уытты әсерлері артуы мүмкін.

Циклоспоринмен бір мезгілде қолданғанда соңғысының нефроуыттылығы артуы мүмкін.

In vitro зерттеулер, нимесулидтің толбутамидпен, салицил қышқылымен және вальпрой қышқылымен байланысқан орнынан ығысып шығатынын көрсеткен. Бұл өзара әрекеттесулерінің қан плазмасында анықталғанына қарамастан, аталған әсерлері препаратты клиникада қолдану үдерісінде байқалмаған.

Нимесулидпен емдеу кезінде гепатоуытты әсері бар препараттармен бір мезгілде қолданылуын болдырмау, сондай-ақ алкогольді шамадан тыс пайдаланабау керек, өйткені бұл заттар бауыр тарапынан болатын жағымсыз реакциялардың туындау қаупін арттыруы мүмкін.

Айрықша нұсқаулар

Препаратты ыстықты түсіретін дәрі ретінде қолдану ұсынылмайды. Найзды® қабылдап жүрген науқастарда дене температурасы жоғарыласа және тұмау тәрізді симптомдар пайда болса, препаратты қабылдауды тоқтату керек.

Жағымсыз әсерлердің қаупін төмендету үшін препаратты ең төменгі тиімді дозасында, емдеу курсының ұзақтығын азайтып қолдану қажет. Егер науқастың жағдайы жақсармаса, емдеуді тоқтату қажет.

Бауыр функциясы бұзылған науқастарда қолданылуы

Бауыр функциясының айқын бұзылулары бар пациенттерде Найз метаболизмі бұзылады, клиренсі төмендейді және нимесулидтің қандағы концентрациясы артады, бұл препараттың жинақталуына алып келуі мүмкін. Сондай-ақ Найды қабылдау аясында туындаған айқындығы орташадан ауырға дейінгі, соның ішінде өліммен аяқталған бауыр функциясының бұзылулары туралы хабарламалар бар. Осылайша, Найз® бауыр патологиясы бар пациенттерде пайдалану үшін ұсынылмайды.

Найзды® қабылдап жүрген науқастарда бауырдың зақымданғанын көрсететін симптомдар (мысалы, анорексия, жүрек айнуы, құсу, іштің ауыруы, шаршағыштық, несептің қараюы), немесе бауырдың функционалдық сынамаларының аномальді нәтижелері пайда болса, препаратты тоқтату керек. Мұндай науқастарға Найзды® ары қарай да тағайындау ұсынылмайды.

Найзбен емдеу кезінде гепатоуытты препараттардың, анальгетиктердің және басқа ҚҚСП, алкоголь тұтынудың бір мезгілде қолданылуын болдырмау ұсынылады.

Бүйрек функциясы бұзылған науқастарда қолданылуы

Препаратты бүйрек функциясының бұзылулары бар (креатинин клиренсі –минутына 30 мл аз) пациенттерде сақтықпен қолдану керек, өйткені мұндай науқастарда нимесулидтің жартылай шығарылу кезеңі арта түседі.

Найз® тромбоциттер функциясына әсер етуі мүмкін болғандықтан, оны геморрагиялық диатезі бар пациенттерге сақтықпен тағайындау керек. Алайда Найз® жүрек-қантамыр ауруларының алдын алуда ацетилсалицил қышқылын алмастырмайды.

Өте сирек жағдайлардағы қабынуға қарсы стероидты емес препараттарға күрделі тері реакциялары туралы мәліметтер бар, олардың кейбірі өлім қаупін төндіруі мүмкін. Соның ішінде эксфолиативтік дерматит, Стивенс-Джонсон синдромы және уытты эпидермальді некроз. Егер бұрын тағайындалған емдеу курсы кезінде реакцияның басталуы көп жағдайларда емдеудің алғашқы айы ішінде туындаса, пациенттерде мұндай реакциялардың аса жоғары қаупі туындайды. Найзды® тері бөртпесінің, шырышты қабықтардың зақымдануының алғашқы белгілерінде және аллергиялық реакцияның басқа белгілерінде-ақ тоқтату керек.

Фертильділігіне ықпалы

Нимесулидті қолдану әйелдердің фертильділігін төмендетуі мүмкін, сондықтан оны жүктілікті жоспарлап жүрген әйелерге тағайындамаған жөн. Бала көтеруден проблемасы бар немесе бедеулікке қатысты тексерістен өтіп жүрген әйелдерде Найз® препаратын тоқтату мүмкіндігін қарастыру керек.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Қызметі жоғары зейін шоғырландыру мен психомоторлық реакциялардың жылдамдығын қажет ететін пациенттер ұйқышылдықтың немесе бас айналуының туындау мүмкіндігінен хабардар болуы тиіс.

Артық дозалануы

ҚҚСП жедел артық дозалану симптомдары әдетте мыналармен шектеледі: апатия, ұйқышылдық, жүрек айнуы, құсу және эпигастральді аумақтың ауыруы. Демеуші ем кезінде бұл симптомдар әдетте қайтымды. Артериялық қысымның көтерілуі, бүйректің жедел жеткіліксіздігі, тыныс алудың бәсеңдеуі дәне кома орын алуы мүмкін. ҚҚСП емдік дозаларын қабылдағанда және осындай препараттармен артық дозаланғанда анафилактоидтық реакциялардың туындауы туралы хабарланды.

Емі: ҚҚСП артық дозалану жағдайында симптоматикалық және демеуші ем. Спецификалық антидоты жоқ. Нимесулидтің гемодиализ арқылы шығарылуына қатысты деректер жоқ, алайда плазма ақуыздарымен байланысу деңгейінің жоғарылығы (97,5% дейін) негізінде препаратпен артық дозалану кезінде диализдің тиімділігі төмен екені туралы қорытынды жасауға болады. Артық дозалану симптомдары болғанда немесе препараттың үлкен дозасын қабылдағаннан кейін 4 сағат ішінде пациенттерге мыналарды тағайындауға болады: құстыру және/немесе белсендірілген көмір қабылдау (ересектер үшін 60-100 грамм) және/немесе осмостық іш жүргізетін дәрі қабылдау. Мәжбүрлі диурез, несепті сілтілендіру, гемодиализ немесе гемоперфузия препараттың қан ақуыздарымен жоғарғы деңгейде байланысуы салдарынан тиімсіз болуы мүмкін. Бүйрек және бауыр функциясын бақылау керек.

Шығарылу түрі және қаптамасы

10 таблеткадан ПВХ үлбірден және алюминий фольгадан жасалған пішінді ұяшықты қаптамаға қаптайды.

2 немесе 3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші / қаптаушы

«Д-р Редди’с Лабораторис Лимитед», FTO II, Survey No.42,45 &46, Bachupally Village, Bachupally Mandal, Medchal Malkajgiri, District, Telangana, Үндістан

Тіркеу куәлігі ұстаушысының атауы:

«Д-р Редди’с Лабораторис Лимитед», 8-2-337, Road №3, Banjara Hills, Hyderabad – 500034, Telangana, Үндістан

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын жәнедәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта)

«Д-р Редди’с Лабораторис Лимитед» компаниясының Қазақстан Республикасындағы өкілдігі, 050057 Алматы қ-сы, 22 линия к-сі, 45,

Абоненттік жәшік 7, тел: 8(727)3941688, факс: 8(727)3941294

Дәріханалар

Тауар артығымен бар
Тауар аз қалды
Аптека № 58, Алматы, (Акбулак)
мкр Акбулак, ул.Хан Шатыр 273
Круглосуточно
Аптека №132 Алматы, (ул.Б.Майлина 2)          
г.Алматы, ул.Б.Майлина 2
Круглосуточно
Аптека №57
Демьяна бедного 3
Круглосуточно
Аптека №175, Алматы, (Магнум Первомайка)
п. Первомайка тр.Алматы- Капчагай в ТД Магнум
Круглосуточно
Аптека № 91, Алматы, (Магнум Думан)
мкр. Думан, ТД Магнум
Круглосуточно
Аптека №94, Алматы, (ЖК Евразия)
ул.Масанчи, д.23/12 (ЖК Евразия)
09:00-22:00
Аптека № 74, Алматы, (Самал 1)
Самал-2, ул.Мендикулова 35 уг.ул.Аль-фараби
Круглосуточно
Аптека № 83, Алматы, (Сейфулина Калинина)
ул.Сейфуллина 510, выше Калинина
Круглосуточно
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека № 81, Алматы, (Магнум Абая)
Микрорайон Жетысу-3, 1г
Круглосуточно
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно
Аптека №309
ул. Тимирязева, дом № 42/30
09 00- 22 00
Аптека №222
ул. Розыбакиева 33/1 ТК "Оптовка" магазин №3/8
08:00-20:00
Аптека №263, Алматы, (Жандосова)
Жандосова 162А.
09:00-21:00
Аптека №311
улица Курмангазы, дом 144, НП 74Б.
Круглосуточно
Аптека №294
Алматы ,Кульджинский тракт, 14,
Круглосуточно
Аптека №234
ТД "Мерей" Райымбек батыры/Суюнбая
Круглосуточно
Аптека №40
г. Алматы, пр. Гагарина, 296
Круглосуточно
Аптека №108 ПТ Алматы, (пр.Достык)
г.Алматы, Медеуский район, пр.Достык 248а
Круглосуточно
Аптека №260, Алматы, (Алтынсарин)
11-й микрорайон, 26 / Алтынсарина проспект, 26
Круглосуточно
Аптека №159
г. Алматы, ул. Розыбакиева, 220
Круглосуточно
Аптека №204, Алматы, (Казахфильм)
ул. Мартебе, 1а
09:00-22:00
Аптека №34 ПТ Алматы (Айнабулак)
мкр. Айнабулак 3 ул.Жумабаева д 98А
09:00-21:00
Аптека №49
г.Алматы, Наурызбайский р-н, мкр. Калкаман 2 а
Круглосуточно